- २०८१ बैशाख १३ बिहीबार
काठमाडौँ । इङलिश प्रिमियर लिगको शिर्ष स्थानमा रहेको म्यान्चेस्टर सिटीले आफ्नो विजयी यात्रा कायम राखेको छ ।
गएराती भएको खेलमा सिटीले स्वान्सीलाई ४-० ले पराजति गर्दै आफ्नो विजयी यात्रालाई निरन्तरता दिएको छ । स्वान्सीको घरेलु मैदानमा भएको खेलमा सिटीले प्रिमियर लिगमा लगातर १५ खेल जित्दै नयाँ रेकर्ड पनि बनाएको छ ।
सिटीको जितमा डेभिड सिल्भाले दुई गोल गरेका थिए भने केभिन ब्रुने र सर्जियो अग्युरोले एक एक गोल गरेका थिए ।
जितपछि सिटी प्रिमियर लिगको शिर्ष स्थानमा कायम रहेको छ । सिटी १७ खेलमा ४९ अंकसहित शिर्ष स्थानमा रहेको छ भने दोस्रो स्थानमा रहेको म्यान्चेस्टर युनाइटेडको ३८ अंक रहेको छ । त्यस्तै स्वान्सी सिटीको भने १७ खेलमा १२ अंक सहित लिगको पुछारमा रहेको छ ।
