छ वटा प्रदेशमा वाम गठबन्धनको दुईतिहाई, कसले कँहा कति जिते ?

खरीबोट

काठमाडौँ । पहिलो हुने निर्वाचित हुने निर्वाचित प्रणालीअन्तर्गत प्रतिनिधिसभा तथा प्रदेशसभा सदस्य निर्वाचनमा वाम गठबन्धन छ वटा प्रदेशमा दुईतिहाइ बढी स्थानमा विजयी भएको छ । 

प्रदेश नं १, ३, ४, ५, ६ र ७ मा गठबन्धनले दुईतिहाइ बढी स्थानमा जित हासिल गरेको छ । छ वटा प्रदेशमा अत्यधिक स्थानमा विजयी भएको गठबन्धन प्रदेश नं २ मा भने कमजोर देखिएको छ । तुलनात्मक रुपमा अन्य प्रदेशमा कमजोर देखिएको नेपाली काँग्रेस प्रदेश नं २ मा केही बलियो देखिएको छ । त्यस्तै मधेस केन्द्रित शक्ति २ नं प्रदेशमा बलिया देखिएका छन् । 

प्रतिनिधिसभाअन्तर्गत प्रदेश नं १ का २८ निर्वाचन क्षेत्रमा पनि वाम गठबन्धनका साझा उम्मेदवार २२ स्थानमा विजयी भएका छन् । प्रदेश नं १ मा एमालेले १६ स्थानमा जित हासिल गरेको छ भने माओवादी केन्द्रले छ स्थानमा जित हासिल गरेको छ । त्यस्तै काँग्रेस चार स्थानमा विजयी भएको छ भने राप्रपा एक स्थानमा विजयी भएको छ । सुनसरी क्षेत्र नं ३ मा मतगणना जारी छ । सो क्षेत्रमा एमालेका भगवती चौधरी र काँग्रेसका विजयकुमार गच्छदारबीच कडा प्रतिस्प्रर्धा भएको छ । अहिले साँझ ८ बजेसम्म एमालेका चौधरी केही मतले अगाडि छन् । 

प्रदेश नं २ मा वाम गठबन्धनको उपस्थिति निकै कमजोर देखिएको छ । प्रदेश नं २ का ३२ निर्वाचन क्षेत्रमा वाम गठबन्धनले जम्मा सात स्थानमा जित हासिल गरेको छ । एमाले दुई र माओवादी केन्द्र पाँच स्थानमा विजयी भएका छन् । काँग्रेस अन्य प्रदेशमा भन्दा २ नं प्रदेशमा केही बलियो देखिएको छ । काँग्रेसले यस प्रदेशमा छ स्थानमा जित हासिल गर्न सफल भएको छ । त्यस्तै राजपा नेपाल १० र संघीय समाजवादी फोरम नेपाल नौ स्थानमा विजयी भएको छ । 

यसैगरी प्रदेश नं ३ का ३३ प्रतिनिधिसभाका क्षेत्रमा पनि वाम गठबन्धनको बहुमत रहेको छ । गठबन्धनले २७ स्थानमा जित हासिल गरेको छ । एमाले २० र माओवादी केन्द्र सात स्थानमा विजयी भएको छ । त्यस्तै नेपाली काँग्रेस पाँच र नेपाल मजदुर किसान पार्टी एक स्थानमा विजयी भएको छ । 

प्रदेश नं ४ को १८ प्रतिनिधिसभाका क्षेत्रमा पनि वाम गठबन्धनको बहुमत रहेको छ । गठबन्धनले १४ स्थानमा जित हासिल गरेको छ । एमालेले ११ र माओवादी केन्द्रले तीन स्थानमा जित हासिल गरेको छ । त्यस्तै प्रदेश नं ३ मा काँग्रेसले एक स्थान मात्र जितेको छ । यसैगरी नयाँ शक्तिले पनि एक स्थानमा जित हासिल गरेको छ । 

प्रदेश नं ५ को २६ प्रतिनिधिसभाका क्षेत्रमध्ये वाम गठबन्धनले १८ स्थानमा जित हासिल गरेको छ । एमाले ११ स्थानमा विजयी भएको भने माओवादी केन्द्र सात स्थानमा विजयी भएको छ । त्यस्तै काँग्रेस पाँच, संघीय फोरम एक, राष्ट्रिय जनमोर्चा एक र स्वतन्त्र उम्मेदवार एक स्थानमा विजयी भएका छन् । 

यसैगरी प्रदेश नं ६ को १२ प्रतिनिधिसभाका क्षेत्रमा पनि वाम गठबन्धनको बहुमत रहेको छ । एमाले छ र माओवादी केन्द्र पाँच स्थानमा विजयी भएका छन् भने स्वतन्त्र उम्मेदवार एक स्थानमा विजयी भएका छन् । प्रदेश नं ६ मा काँग्रेसले एक स्थानमा पनि विजयी हुन सकेन । 

प्रदेश नं ७ को प्रतिनिधिसभाका १६ क्षेत्रमध्ये वाम गठबन्धन १३ स्थानमा विजयी भएको छ । एमाले १० र माओवादी केन्द्र तीन स्थानमा विजयी भएका छन् । 

त्यस्तै काँग्रेस एक स्थानमा मात्र विजयी भएको छ । प्रदेश नं ७ बाट प्रत्यक्षतर्फ काँग्रेसका सभापति एवं प्रधानमन्त्री शेरबहादुर देउवामात्र विजयी हुुनुभएको छ । त्यस्तै राजपा नेपालका उम्मेदवारले एक स्थानमा जित हासिल गरेका छन् भने एक स्थानमा मतगणना जारी रहेको छ । 

प्रतिनिधिसभामा विजयी दलहरुको प्रदेशगत संख्या 

दल÷प्रदेश                  प्रदेश नं १    प्रदेश नं २    प्रदेश नं ३    प्रदेश नं ४    प्रदेश नं ५    प्रदेश नं ६    प्रदेश नं ७ 
नेकपा (एमाले)                १६             २                 २०            १२              ११                 ६            १० 
माओवादी केन्द्र               ६             ५                  ७             ३                ७                  ५             ३ 
नेपाली काँग्रेस                 ४             ६                 ५              १               ५                    –            १ 
संघीय फोरम                 –              ९                  –              –               १                   १            – 
राजपा नेपाल                 –             १०                  –              –               –                   –            १ 
नयाँ शक्ति                    –             –                   –               १               –                  –            – 
राजमो                         –             –                   –              –                १                 –             – 
नेमकिपा                     –             –                  १                –                 –                –             – 
राप्रपा                        १              –                 –                –                 –                 –             – 
स्वतन्त्र                      –              –                 –                –                 १                 –              – 
मतगणना जारी           १             –                  –               १                –                  –             १ 
जम्मा क्षेत्र                 २८           ३२               ३३              १८             २६                १२             १६ 

प्रदेशसभामा पनि बहुमत 

प्रदेशसभाअन्तर्गत प्रदेश नं १ का ५६ निर्वाचन क्षेत्रमा पनि वाम गठबन्धनका साझा उम्मेदवार ४७ स्थानमा विजयी भएका छन् । प्रदेश नं १ मा एमालेले प्रदेशसभाका ३७ स्थानमा जित हासिल गरेको छ । यस्तै माओवादी केन्द्रले १० स्थानमा जित हासिल गरको छ । प्रदेशसभामा काँग्रेस सात, संघीय समाजवादी फोरम एक र स्वतन्त्र उम्मेदवार एक स्थानमा विजयी भएका छन् । 

प्रदेश नं २ को प्रदेशसभाका ६४ क्षेत्रमा वाम गठबन्धनले २० स्थानमा जित हासिल गरेको छ । एमालेले १४ र माओवादी केन्द्रले छ स्थानमा जित हासिल गरेको छ । त्यस्तै नेपाली काँग्रेस आठ, संघीय समाजवादी फोरम नेपाल २०, राजपा नेपाल १५ र स्वतन्त्र उम्मेदवार एक स्थानमा विजयी भएका छन् । 

प्रदेश नं ३ को प्रदेशसभाका ६६ क्षेत्रमा वाम गठबन्धनले ५७ स्थानमा जित हासिल गरेको छ । एमाले ४३, माओवादी केन्द्र १४ स्थानमा विजयी भएको छ । त्यस्तै काँग्रेस सात, नयाँ शक्ति एक र नेमकिपा एक स्थानमा विजयी भएका छन् । 

प्रदेश नं ४ को प्रदेशसभाका ३६ निर्वाचन क्षेत्रमा पनि वाम गठबन्धनले बहुमत प्राप्त गरको छ । यस क्षेत्रमा एमालेले १६ र माओवादी केन्द्रले आठ स्थानमा जित हासिल गरेका छन् । त्यस्तै काँग्रेसले पाँच, नयाँ शक्तिले एक, राष्ट्रिय जनमोर्चाले दुई र स्वतन्त्रले एक स्थानमा जित हासिल गरेका छन् । तीन स्थानमा मतगणना जारी रहेको छ । 

प्रदेश नं ५ को प्रदेशसभाका ५२ निर्वाचन क्षेत्रमा पनि वाम गठबन्धनले बहुमत प्राप्त गरेको छ । गठबन्धनले ४३ स्थानमा जित हासिल गरेको छ । एमाले २९ र माओवादी केन्द्र १४ स्थानमा विजयी भएका छन् । यस्तै काँग्रेसले छ, संघीय फोरमले तीन स्थानमा जित हासिल गरेका छन् । 

प्रदेश न. ६ को प्रदेशसभाका २४ निर्वाचन क्षेत्रमा पनि वाम गठबन्धनले दुईतिहाइ बहुमत ल्याएको छ । गठबन्धनले २३ स्थानमा जित हासिल गरेको छ । एमालेले १४ र माओवादी केन्द्रले नौ स्थानमा जित हासिल गरेको छ । नेपाली काँग्रेसले ६ नं प्रदेशको एउटा मात्र प्रदेशसभामा जित हासिल गरेको छ । 

यसैगरी प्रदेश नं ७ को प्रदेशभाका ३२ निर्वाचन क्षेत्रमा पनि वाम गठबन्धनले बहुमत हासिल गरेको छ । गठबन्धनले २७ स्थानमा जित हासिल गरको छ । ७ नं प्रदेशमा एमाले १७ र माओवादी केन्द्र १० स्थानमा विजयी भएका छन् । यस्तै काँग्रेसले चार, राजपा नेपालले एक स्थानमा जित हासिल गरेका छन । 

प्रदेशसभामा विजयी दलहरुको प्रदेशगत संख्याः 
      दल÷प्रदेश               प्रदेश नं १    प्रदेश नं २    प्रदेश नं ३    प्रदेश नं ४    प्रदेश नं ५    प्रदेश नं ६    प्रदेश नं ७ 

नेकपा (एमाले)                     ३७               १४            ४३               १६             २९              १४                १७ 
माओवादी केन्द्र                    १०                ६              १४               ८              १४               ९                  १० 
नेपाली काँग्रेस                      ७                 ८               ७                ५               ६               १                   ४ 
संघीय फोरम                       १                २०               –                –                ३               –                   – 
राजपा नेपाल                       –                १५               –                –               –                –                  १ 
नयाँ शक्ति                          –                –                 १                १                –                –                  – 
राजमो                               –                 –                –                २                –                –                  – 
नेमकिपा                            –                 –                १                –                –                –                 – 
स्वतन्त्र                              १                  १                 –                १               –                –                 – 
मतगणना जारी                  १                  –                  –                ३              –                 –                 – 
जम्मा क्षेत्र                      ५६                 ६४                ६६              ३६            ५२              २४                ३२ 

सम्बन्धित समाचार

निर्वाचनमा अन्तरघात गर्नेलाई कारवाही गरिन्छ - गोपालमान श्रेष्ठ

फलेवास, पर्वत ।  नेपाली काँग्रेसका नेता गोपालमान श्रेष्ठले निर्वाचनमा अन्तरघात गर्ने कार्यकर्तालाई कारवाही गरिने बताए ।  सदरमुकाम कुश्माबजारमा सञ्चालित तरुण दलको ४ नं प्रदेशस्तरीय प्रशिक्षण कार्यक्रमलाई सम्बोधन गर्दैैै उनले ३६४ दिन काँग्रेस बन्ने

निर्वाचनमा अन्तर्घात गर्नेलाई कारबाही हुन्छ - सभापति देउवा

हेटौँडा ।  नेपाली कांग्रेसका सभापति शेरबवहादुर देउवाले प्रतिनिधिसभाको निर्वाचनमा अन्तर्घात गर्ने नेता तथा कार्यकर्तालाई कडा कारवाही गरिने बताएका छन् ।  नेपाल तरुण दलको आयोजनामा आजदेखि शुरु भएको दुईदिने प्रदेश नं ३ स्तरीय प्रशिक्षण कार्यक्रमको

२०७४ लाई राजनीतिक रुपमा फर्केर हेर्दा : राजनीतिक उथलपुथल र निर्वाचनको वर्ष

काठमाडौँ  ।  विसं २०७४ नेपालको इतिहासमै सबैभन्दा धेरै र महत्वपूर्ण निर्वाचन भएको वर्षका रुपमा दर्ज भएको छ ।  विसं २०७४ को प्रारम्भमै राजनीतिक दलहरुबीचको लामो बहसपछि वैशाख ३१ गते मुलुकमा झण्डै २०

पाकिस्तानको सर्वोच्च अदालतद्वारा नवाज सरिफलाई जीवनभर निर्वाचन लड्न अयोग्य घोषणा 

इस्लामावाद । पाकिस्तानको सर्वोच्च अदालतले पूर्वप्रधानमन्त्री नवाज सरिफलाई अब जीवनभर निर्वाचन लड्न नपाउने गरि योग्य घोषणा गरको छ ।  प्रधानन्यायधिश सहितको ५ सदस्यीय न्यायधिश समुहले सुक्रबार गरेको फैसला अनुसार सरिफ अब