काठमाडौँ । नेकपा एमालेका स्थायी कमिटी सदस्य शंकर पोखरेल दाङ निर्वाचन क्षेत्र नं. २ (क)को प्रदेशसभा सदस्यमा निर्वाचित भएका छन् ।
शनिबार बिहान सार्वजनिक गरिएको अन्तिम मत परिणामअनुसार पूर्वमन्त्रीसमेत रहेका पोखरेल ठुलो मत अन्तरले विजयी भएका छन् । पोखरेलले काँग्रेसका कमलकिशोर घिमिरेलाई ९५९५ मतअन्तरले पराजित गरेका छन् ।
वाम गठवन्धनका उम्मेदवार पोखरेललाई २०६९४ मत प्राप्त गरे भने उनका निकटतम प्रतिद्वन्द्वी घिमिरेले १११६९ मत प्राप्त गरे ।
पोखरेललाई वाम गठबन्धनले प्रदेश नं. ५ को मुख्य मन्त्रीको दाबेदारको रूपमा हेरिएको छ ।