राजधानीमा विस्फोटका घटनामा संलग्न पाँच पक्राउ

खरीबोट

काठमाडौँ । नेपाल प्रहरीले विस्फोटक पदार्थ, हतियार र विभिन्न दस्तावेजसहित नेत्रविक्रम चन्द नेतृत्वको नेपाल कम्युनिष्ट पार्टीका छ नेता तथा कार्यकर्तालाई काठमाडौँ उपत्याकाको विभिन्न स्थानबाट पक्राउ गरेको छ ।

पक्राउ परेकाहरु प्रतिनिधिसभा तथा प्रदेश सभा सदस्य निर्वाचन बिथोल्न काठमाडौँ उपत्यकाको विभिन्न मतदान केन्द्र, महत्वपूर्ण स्थान र उम्मेदवारलाई लक्षित गरी बम विस्फोट गराउने योजनामा संलग्न रहेका प्रहरीले जनाएको छ ।

उपत्यकाका विभिन्न स्थानमा विस्फोट गराउने उद्देश्य रहेकामा उनीहरुको गिरफ्तारीले सो योजना विफल भएको प्रहरीले जनाएको छ । पक्राउ पर्नेमा सर्लाही ईश्वरपुर लामिदमारका रवि गोले, सिन्धुली, कयानेश्वर–९, मोक्तानडाँडाका सम्पूर्ण मुक्ति भन्ने विचारमान तामाङ, मकवानपुर, हेटौँडाका रोह नेपाली भन्ने महेश नेपाली, काभ्रे, मादन कुँडारी गाउँपालिका–८, चौरी देउरालीका विगेश लामा, नुवाकोट, लिखु नगरपालिका थानापतिका राजीव तामाङ र दोलखा, तामाकोशी गाउँपालिका–५ का रोशन विष्ट रहेका छन् ।

एक थान पेस्तोल र विस्फोटक पदार्थसहित उनीहरुलाई बुधबार प्रहरीले राजधानीको विभिन्न स्थानबाट पक्राउ गरी आज सार्वजनिक गरेको हो । उनीहरु उम्मेदवारलाई लक्षित गर्दै यसअघि भएका विस्फोटका घटनामा संलग्न रहेको प्रहरीको भनाइ छ ।

पक्राउ परेका हातहतियार तथा विस्फोटक पदार्थ संकलन, भण्डारण तथा विभिन्न स्थानमा विस्फोट गराएको तथा विस्फोटनको योजना बनाएको प्रहरी प्रवक्ता प्रहरी नायब महानिरीक्षक मनोज न्यौपानेले जानकारी दिए ।

सम्बन्धित समाचार

पोल्याण्ड पठाउने प्रलोभन दिएर ठगी गर्ने दुई युक्रेनी नागरिक पक्राउ 

काठमाडौँ। वैदेशिक रोजगारका लागि पोल्याण्ड पठाउने भन्दै ठगी गर्ने दुई जना युक्रेनी नागरिकलाई प्रहरीले पक्राउ गरेको छ। टुरिष्ट भिसामा गत अप्रिलमा नेपाल आएका युक्रेनी नागरिक २६ बर्षिय बिटाली बिलया र

सामूहिक बलात्कार गर्नेमध्ये एक पक्राउ

उदयपुर / जिल्लाको त्रियुगा नगरपालिका–२ मोथ्याईकी १७ वर्षीया एक किशोरीलाई सोमबार राति सामूहिक बलात्कार गर्नेमध्ये एक युवकलाई प्रहरीले पक्राउ गरेको छ । अन्यको खोजी कार्य भइरहेकोे जिल्ला प्रहरी कार्यालयले जनाएको

विप्लवसहित सात शिर्ष नेताहरुविरुद्ध मुद्दा दायर, पक्राउ पुर्जी जारी 

कालिकोट।  जिल्ला प्रहरी कार्यालय कालिकोटले नेपाल कम्युनिस्ट पार्टीका केन्द्रीय महासचिव नेत्रविक्रम चन्द विप्लवसहितका सात शिर्ष नेताविरुद्ध मुद्दा चलाएको छ ।  उनीहरुविरुद्ध संगठित अपराध तथा विस्फोटक पदार्थ ऐन अन्तरगत मुद्दा दर्ता गरिएको

विद्यालयका लेखा सहायक घुस रकम सहित पक्राउ

रौतहट।  रौतहटको गौरस्थित जुद्द माध्यमिक विद्यालयका लेखा सहायक प्रमोद ठाकुर ४५ हजार रुपैयाँ घुस रकम सहित पक्राउ परेका छन् ।  ठाकुरलाई अख्तियारको हेटौंडा कार्यालयको टोलीले आज सेवाग्राहीसँग घुस लिईरहेको अवस्थामा पक्राउ