बार्सिलोना छोडेको भन्दै बायर्नका फ्यानहरुले नेइमारलाई नक्कली नोटले हाने 

खरीबोट

काठमाडौँ । यसै सिजनमा बार्सिलोनाबाट पिएसजी गएका ब्राजिलियन नेइमारलाई बायर्न म्युनिखका फ्यानले अपमान गरेका छन् । 

गएराती बायर्न म्युनिखसँग भएको च्याम्पियन्स लिग अन्तर्गतको खेलमा जर्मनी फ्यानहरुले नेइमारको नामको ५ सय युरोको नोट प्रिन्ट गरेर स्टेडियम भित्र प्रदर्शन गरेका हुन् । 

जर्मनी मिडियाका अनुसार नेइमारको तस्बिर प्रिन्ट गरिएको ५ सय युरोको नक्कली नोट र ब्यानर सहित फ्यानहरुले स्टेडियम भित्र असन्तुष्टि जनाएका थिए । 

मिडिया रिपोर्टका अनुसार यसका दुई वटा कारण उनीहरुले दिएका छन् । पहिलो कारण बार्सिलोनाबाट नेइमार पिएसजी जाँदा फिफाको फाइनान्सियल फेयर प्लेको पालना नगरिएको र दोस्रो युएएफएले यस अघिको बायर्न म्युनिखले ब्रसेल्समा खेलेको एण्डरलेच्टसंगको खेलको टिकट दर महँगो गरेकोले फ्यानहरुले सो को विरोध गरेको बताइएको छ ।  

सो खेलमा बायर्न म्युनिखका फ्यानहरुलाई एक सय युरो टिकट दर तोकिएको थियो । जर्मनी फ्यानहरुले सो सय युरो फिर्ता गर्न माग गर्दै प्रदर्शन गरेका थिए ।

बायर्नसँगको खेलका क्रममा नेइमारले कर्नर हान्न लागेका बेला उनलाई निशाना बनाएर ति नक्कली नोट फालिएको बताइएको छ । फ्यानहरुले फालेका नक्कली नोट कर्नर हान्न गएका नेइमारले हेर्दै त्यसलाई नदेखेको जस्तो गरेका थिए ।

बायर्न म्युनिखसँगको खेलमा पिएसजी ३-१ को हार बेहोरेको थियो । खेलमा हार बेहोरेपनि पिएसजी दोस्रो चरणमा भने गएको छ । 
 

सम्बन्धित समाचार

बार्सिलोना छोडेको भन्दै बायर्नका फ्यानहरुले नेइमारलाई नक्कली नोटले हाने 

काठमाडौँ । यसै सिजनमा बार्सिलोनाबाट पिएसजी गएका ब्राजिलियन नेइमारलाई बायर्न म्युनिखका फ्यानले अपमान गरेका छन् ।  गएराती बायर्न म्युनिखसँग भएको च्याम्पियन्स लिग अन्तर्गतको खेलमा जर्मनी फ्यानहरुले नेइमारको नामको ५ सय युरोको

नेइमारले बार्सिलोना छोडेपछि स्वरेजको प्रदर्शन खस्कियो !

काठमाडौं । बार्सिलोनाका उरुग्वियन स्ट्राइकर लुइस स्वरेज यस सिजनमा गरिरहेको संघर्षका कारण क्लबलाई असर पर्न थालेको छ ।  सन् २०१४ मा लिभरपुलबाट बार्सिलोना गएका स्वरेजले तीन सिजनमा पहिलो पटक गोल गर्न

मेसी र नेइमारको मित्रता संकटमा’, रोनाल्डो बने प्रमुख कारण !

काठमाडौँ । घनिष्ट मित्र रहेका लियोनेल मेसी र नेइमारको मित्रता टुट्न लागेको संकेत देखिएको छ ।  बार्सिलोनाका पूर्वखेलाडी एवं मेसीका घनिष्ट मित्र नेइमारले मेसीका प्रतिद्वन्दी क्रिस्टियानो रोनाल्डोसँग गत अक्टोबरमा फिफाद्वारा आयोजित

पिएसजीमा नेइमारको जादु, जिताए अर्को खेल 

काठमाडौँ । फ्रेन्च लिगमा पिएसजीको विजयी यात्रा कायमै रहेको छ । यस सिजनमा अपराजित रहेको पिएसजीले गएराती भएको खेलमा ट्रोएसलाई २-० ले पराजित गरेको छ ।  पिएसजीको यस जितमा बार्सिलोनाबाट यसै