जयरामघाटमा पूल बनेपछि खोटाङमा उपभोग्य वस्तुको मूल्य घटाइयो

खरीबोट

खोटाङ । सिधा यातायात सञ्चालन भएसँगै उद्योग वाणिज्य संघ खोटाङले जिल्लामा दैनिक उपभोग्य वस्तुको मूल्य घटाएको छ । 

खोटाङ र ओखलढुंगाको सिमानामा रहेको दूधकोशी नदीमा पक्की पुल बनेलगत्तै सिधा यातायात जोडिएपछि जिल्लामा दैनिक उपभोग्य वस्तुको मूल्य घटाएको हो । 

निर्माण कार्य थालिएको नौ वषपछि जयरामघाटस्थित दूधकोशीमा पक्की पुल बनेपछि जिल्लामा खाना पकाउने ग्यास, चामल, दाल, चिउरा, चिनी, नुन, तेल, दाल, मसला, साबुनलगायतका दैनिक उपभोग्य वस्तुको मूल्य घटाइएको उद्योग वाणिज्य संघका अध्यक्ष राजेन्द्र लयालुले बताए । पुल सञ्चालनमा आएपछि २४ थरिका दैनिक उपभोग्य वस्तुको मूल्य प्रतिकिलो रु पाँचदेखि रु १० सम्म घटाइएको छ । 

मूल्य घटाइएसँगै जिल्लामा रु एक हजार ७५० मा खरिद बिक्री हुँदै आएको खाना पकाउने एलपी ग्यास अहिले रु एक हजार ५०० मा पाइने भएको छ । सिधा यातायात शुरु भएसँगै जिल्लामा दैनिक उपभोग्य वस्तुको मूल्य घटाइएपछि उपभोक्तालाई सहज भएको छ । 

संघले उल्लेखित उपभोग्य दैनिक वस्तुलाई सोभन्दा बढी मूल्यमा बिक्री वितरण नगर्न जिल्लाका व्यवसायीलाई सचेत गराएको छ । ठेकेदार कम्पनीको लापर्बाहीले सो पुल निर्माणमा ढिलाइ हुँदा छ वर्षसम्म दूधकोशीमा अस्थायी बेलिब्रिज राख्ने गरिएको थियो । बाढीले बगाएपछि विकल्पमा अस्थायी बेलिब्रिज राख्न थालिएको थियो । 

सम्बन्धित समाचार

खोटाङ ४४ औँ पूर्ण साक्षर जिल्ला घोषणा

खोटाङ । ‘समग्र खोटाङ समुन्नतिको निकास, ज्ञान, सीप, संस्कार, साक्षरताको विकास’ भन्ने नारासहित खोटाङ जिल्लालाई पूर्ण साक्षर जिल्ला घोषणा गरिएको छ ।  जिल्लामा रहेका १५ देखि ६० वर्ष उमेर समूहका जनसंख्या

स्थानीय तहका जनप्रतिनिधिले नेपाली पोशाक लगाउने

खोटाङ ।  स्थानीय तहका सबै जनप्रतिनिधिले पोशाकमा एकरुपता ल्याउने भएका छन् ।  पुरुष जनप्रतिनिधिले दौरा सुरुवाल, ढाकाटोपी र कोट तथा महिला जनप्रतिनिधिले चौबन्दी चोली, सारी र कोट लगाउने भएका हुन् । सर्वसाधारण तथा

खोटाङको हलेसीबजारमा भएको आगलागी

धार्मिक तथा पर्यटकीयस्थल खोटाङको हलेसीबजारमा मङ्गलबार राति भएको आगलागीबाट नष्ट भएका घरमा पुरिएका सामग्री निकाल्दै विद्यार्थी । मङ्गलबार राति स्थानीय मगम राईको घरबाट सुरु भएर पैmलिएकोे आगोबाट सात घर नष्ट

खोटाङको हलेसीमा भएको आगलागीबाट पाँच करोडको क्षति

खोटाङ ।  धार्मिक तथा पर्यटकीयस्थल खोटाङको हलेसीबजारमा मंगलबार भएको आगलागीमा रु पाँच करोड एघार लाख १५ हजार क्षति भएको छ ।  हलेसी तुवाचुङ नगरपालिका–७ स्थित हलेसीबजारका व्यवसायी मगम राईको घरबाट सल्किएको आगोले १३