यमनी पूर्वराष्ट्रपती अलि अब्दुल्लाह सालेह मारिएको दावी

खरीबोट

साना, यमन । यमनका पूर्व राष्ट्रपति अलि अब्दुल्लाह सालेह मारिएको यमनी हुठी समूहका उच्च अधिकारीले सोमबार पुष्टि गरेका छन् । 

सालेह, उहाँका भतिजा, केही आफन्त र सालेहको दलका महासचिव सबै जना सोमबार खावलान जिल्लाबाट साउदी अरब नेतृत्वको गठबन्धनको नियन्त्रणमा रहेको मारिव प्रान्ततर्फ भाग्ने क्रममा मारिएका, यमनी विद्रोहीको नियन्त्रणमा रहेको गृह मन्त्रालयले पनि जनाएको छ । 

मन्त्रालयले उक्तस्थानको भिडियोमा सालेहको मृत शरिर कैद भएको दृष्य देखिएको बताएको छ । 

“मिलिसियाका कारण सिर्जना भएको सङ्कट र मिलिसियालाई नेतृत्व दिँदै आएका पूर्व राष्ट्रपति सालेह, उनका उच्च अधिकारीसमेत मारिएका छन्, ” अल मासिराहा टेलिभिजनमा सालेहका समर्थकलाई उद्धृत गरी जनाइएको छ । 

पूर्व राष्ट्रपति सालेहले शनिबार इरान समर्थक हुठी विद्रोहीसँगको गठबन्धन अन्त्य भएको घोषणा गरेका थिए । सालेहले हुठी विद्रोहीको सहयोगमा यमनी राजधानी सानामा करिब तीन बर्ष संयुक्त रूपमा शासन सम्हालेका थिए । 

यमनी सामाजिक सञ्जालमा सालेहको मृत शरिरको भिडियोसहितका सामग्री छ्यापछ्याप्ती आउन थालेपछि गृह मन्त्रालयले एक विज्ञप्ति जारी गरी सालेहको मृत्युको समाचार सार्वजनिक गरेको थियो । 

यमनमा तीन दशकभन्दा बढी शासन सम्हालेका ७५ बर्षीय सालेह सन् २०१२ को राजनीतिक जनआन्दोलनका बलमा पदच्युत भएका थिए  । 

सम्बन्धित समाचार

प्रदेश नम्बर ६ का मुख्यमन्त्रीका दाबेदार शाही विजयी

काठमाडौं । प्रदेश नम्बर ६ का मुख्यमन्त्रीका दाबेदार महेन्द्रबहादुर शाही कालीकोट ‘ख’बाट प्रदेशसभा सदस्यमा विजयी भएका छन् । बिनाविभागीय मन्त्रीसमेत रहेका शाही १२ हजार १५३ मतका साथ विजयी भएका हुन् ।

यमनी पूर्वराष्ट्रपती अलि अब्दुल्लाह सालेह मारिएको दावी

साना, यमन । यमनका पूर्व राष्ट्रपति अलि अब्दुल्लाह सालेह मारिएको यमनी हुठी समूहका उच्च अधिकारीले सोमबार पुष्टि गरेका छन् ।  सालेह, उहाँका भतिजा, केही आफन्त र सालेहको दलका महासचिव सबै जना सोमबार

उद्योग राज्यमन्त्री लामाद्वारा राप्रपा परित्याग, वाम गठबन्धनलाई समर्थन गर्ने घोषणा 

काठमाडौँ ।  उद्योग राज्यमन्त्री रेशम लामाले राप्रपा परित्याग गरी वाम गठबन्धनलाई समर्थन जनाएका छन् । राप्रपाका महामन्त्रीसमेत रहेका लामाले काठमाडौंको कोटेश्वर क्षेत्र नम्बर २ स्तरीय चुनावीसभालाई सम्बोधन गर्दै वाम गठबन्धनलाई समर्थन

भ्रष्टाचार गरेको प्रमाण भए राजनीति गर्दिन : अर्थराज्यमन्त्री राणा 

ललितपुर । नेपाली काँग्रेसका युवा नेता एवम् अर्थराज्यमन्त्री उदयशम्शेर राणाले आफूले कहिल्यै भ्रष्टाचार नगरेको र जनताको पक्षमा निरन्तर काम गरिआएको बताएका छन् ।  गोदावरी नगरपालिका चापागाउँस्थित चुनावी घरदैलो कार्यक्रमपछि गरिएको कोणसभालाई