गोलकिपरले गोल गरेर बनाए इतिहास (भिडियो सहित)

खरीबोट

काठमाडौँ । इटालियन सिरी ए फुटबलको इतिहारमा एक गोलरक्षकले गोल गरेर आफू र क्लबका लागि इतिहास बनाएका छन् ।

पहिलो पटक इटालीको शीर्ष लिग सिरी ए खेलिरहेको बेनेवेन्तोले गोलरक्षकको गोलबाट लिगमा पहिलो अंक जोडेर इतिहास बनाएको हो । 

पहिलो पटक सिरी ए खेलिरहेको वेनेवेन्तोले लिगका १४ खेलसम्म आउँदा एक अंक पनि जोड्न सकेको थिएन । तर लिग अन्तर्गत आइतबार राति भएको खेलमा बलियो टिम एसी मिलानलाई २–२ को बराबरीमा रोक्दै बेनेवेन्तोले लिगमा पहिलो अंक जोडेको हो । 

खेलको इन्जुरी समयसम्म पनि बेनेवेन्तोलाई लिगमा अंकको खाता खोल्नका लागि अर्को खेल पर्खनु पर्ने जस्तो देखिएको थियो । तर इन्जुरी समयको पाँचौं मिनेटमा गोलरक्षक अल्बर्टो ब्रिग्नोलीले हेड मार्फत गोल गर्दै टिमलाई हारबाट जोगाए र क्लबलाई ऐतिहासिक एक अंक दिलाए । 

त्यसअघि ३८ औं मिनेटमा एसी मिलानका लागि बोनावेन्तुरा, ५० औं मिनेटमा बेनेवेन्तोका लागि पुस्कास तथा ५७ औं मिनेटमा एसी मिलानका लागि केलिनिकले गोल गरेका थिए । ७५ औं मिनेटमा रोमाग्नोली दोहोरो पहेँलो कार्ड खाँदै मैदानबाट बाहिरिएपछि एसी मिलान १० खेलाडीमा सीमित भएको थियो । 

बेनेवेन्तोका लागि महत्वपूर्ण एक अंक दिलाएका गोलरक्षक ब्रिग्नोलीले आफू निकै खुशी रहेको र यो खुशी आफ्ना लागि मात्रै नभएर सबैका लागि रहेको बताएका छन् । २६ वर्षका ब्रिग्नोली युभेन्टसबाट लोनमा बेनेवेन्तो गएका हुन् । 

सम्बन्धित समाचार

साफ च्यापियनसिप फुटबल बंगलादेशमा

काठमाडौँ । दक्षिण एसियाली फुटबल महासंघ (साफ) को आयोजनामा हुने साफ च्याम्पियनसिप फुटबल आगामी वर्ष बंगलादेशमा सञ्चालन हुने भएको छ । दक्षिण एसियाली राष्ट्रबीच हुने उक्त च्याम्प्पियनसिप प्रतियोगिता बंगालादेशको ढाकामा आगामी

आहा रारा फुटबल प्रतियोगिता माघ ९ देखि

पोखरा । रारा गोल्ड कप फुटबल प्रतियोगिता माघ ९ देखि २० गतेसम्म पोखरा रंगशालामा सञ्चालन हुने भएकोछ ।  सहारा क्लबद्वारा आज यहाँ आयोजित पत्रकार सम्मेलनमा मोफसलको बहुप्रतिष्ठित राष्ट्रिय तथा अन्तर्राष्ट्रिय प्रतियोगितामा

फुटबलर लियोनेल मेसीका दाजु पक्राउ 

काठमाडौँ । स्टार फुटबलर लियोनेल मेसीका दाजु मटियास मेसी पक्राउ परेका छन् ।  उनको रगताम्य स्पिडबोटबाट पेस्तोल भेटिएपछि उनि अस्पातलबाट गिरफ्तार भएको मिडिया रिपोर्टमा उल्लेख गरिएको छ । ३५ बर्षिय मटियास

यस्तो छ विश्वकप फुटबलमा ‘ग्रुप अफ डेथ’ को इतिहास, रसिया विश्वकपमा कुन समुह बन्यो ग्रुप अफ डेथ ?  

काठमाडौँ । विश्वकप फुटबल भन्ने वित्तिकै कुन समुहमा को पर्यो र कसलाई सजिलो या गार्हो हुन्छ भन्ने विश्लेषण सुरु भइहाल्छ ।  आगामी जुन १४ देखि जुलाई १५ सम्म हुने विश्वकप फुटबल