चितवनका ४१ हजार जनाले गरे स्वास्थ्य बीमा

खरीबोट

फाइल तस्बिर (इन्टरनेट) ।

चितवन । सरकारले शुरु गरेको स्वास्थ्य बीमा कार्यक्रममा जिल्लामा उत्साहजनक सहभागिता देखिएको छ ।

सामाजिक स्वास्थ्य सुरक्षा विकास समितिमार्फत असार १ गतेबाट जिल्लामा स्वास्थ्यबीमा कार्यक्रम शुरु गरिएको थियो । हालसम्म आठ हजार परिवारका ४१ हजारले बीमा गराएको जिल्ला प्रबन्धक सिर्जना पौडेलले बताइन् ।

अन्य जिल्लाको तुलनामा छोटो समयमा चितवनमा धेरैले बीमा गराएको पौडेलले बताए । जिल्लामा १ सय ३५ जना अभिकर्तामार्फत बीमा गराउने काम भइरहेको छ । पौडेलका अनुसार अभिकर्ताले एक महिनामा रु ५० हजारसम्म आम्दानी गरेका छन् । पाँचजनासम्मको परिवारलाई वार्षिक रु दुई हजार ५०० र त्योभन्दा बढी सदस्य भएमा प्रतिव्यक्ति रु ४२५ थप गर्नुपर्ने हुन्छ ।

संकलित रकममध्ये अभिकर्ताले १० प्रतिशत पाउँछन् । बीमा गरेका परिवारले पाँचजनाको वार्षिकरुपमा रु ५० हजारसम्मको उपचार गर्दा रकम तिर्नु पर्दैन । त्यसैगरी व्यक्ति थप भएमा प्रतिव्यक्ति रु १० हजारसम्मको बीमा रकम थपिने छ । जसमा स्वास्थ्य परीक्षण, प्रयोगशाला, शल्यक्रिया, औषधिलगायत बीमाले समेट्ने गर्छ ।

जिल्लाको भरतपुर अस्पताल, दुई मेडिकल कलेज, बकुलहर अस्पताल रत्ननगर, गुञ्जमान सिंह अस्पताल टाँडी, बघौंडा अस्पताल माडी, शिवनगर, जुटपानी र खैरहनी प्राथमिक स्वास्थ्य केन्द्र प्रथम सेवा बिन्दु हुन् भने रिफर अस्पतालका रुपमा बिपी कोइराला मेमोरियल क्यान्सर अस्पताल र भरतपुर आँखा अस्पताल रहेका छन् ।

थोरै रकमबाट ढुक्कसँग रु ५० हजारसम्मको उपचार पाउने भएपछि यसको आकर्षण बढेको हो ।

सम्बन्धित समाचार

माओवादी अध्यक्ष प्रचण्ड चितवनबाट विजयी, बिक्रम पाण्डे ९३२७ मतान्तरले पराजित  

चितवन । चितवनको क्षेत्र नम्बर ३ बाट प्रतिनिधिसभामा नेकपा माओवादी केन्द्रका अध्यक्ष पुष्पकमल दाहाल प्रचण्ड विजयी भएका छन् ।  प्राप्त अन्तिम मतपरिणाम अनुसार प्रचण्डले राप्रपा प्रजातान्त्रिकका उम्मेदवार विक्रम पाण्डेलाई ९३२७ मत

चितवन ३ मा प्रचण्ड १० हजार मतान्तरले अगाडी 

काठमाडौँ । चितवन क्षेत्र नम्बर ३ मा नेकपा माओवादी केन्द्रका अध्यक्ष पुष्पकमल दाहाल प्रचण्डले आफ्नो अग्रता फराकिलो बनाउदै लगेका छन् । प्राप्त पछिल्लो मतपरिणाम अनुसार प्रचण्डले राप्रपा प्रजातान्त्रिकका उम्मेदवार विक्रम पाण्डेलाई

चितवन १ बाट एमाले नेता सुरेन्द्र पाण्डे विजयी 

चितवन । चितवन निर्वाचन क्षेत्र नम्बर १ बाट एमालेका स्थायी कमिटी सदस्य सुरेन्द्र पाण्डे निर्वाचित भएका छन् । पाण्डेले प्रतिद्वन्द्वी काँग्रेसका उम्मेदवार राजेन्द्र बुर्लाकोटीलाई १४४४२ मत अन्तरले पराजित गरेका हुन् । पाण्डेले

चितवन–२ बाट प्रतिनिधि सभामा एमालेका पोखरेल विजयी

चितवन ।  जिल्लामा जारी मतगणनाको आज साँझ जारी अन्तिम परिणामअनुसार प्रतिनिधिसभातर्फ क्षेत्र नं २ मा नेकपा (एमाले)का कृष्णभक्त पोखरेल विजयी हुनुभएको छ । पोखरेलले ४४ हजार ६७० प्राप्त गर्नुभएको छ भने उहाँका