मुगुमा भाइरल प्रकोप बढ्दो, एक सातामा दर्जनौँको मृत्यु

खरीबोट

फाइल तस्बिर

मुगु । जाडो अत्यधिक बढेसँगै जिल्लाभर भाइरल ज्वरो बढेको छ भने दर्जनौँको मृत्यु भइसकेको छ । 

जिल्लाका सबैजसो गाउँ बस्तीमा फैलिएको रुघा, खोकी, निमोनिया र भाइरल ज्वरोका कारण बालबालिका र वृद्धवृद्धा प्रभावित भएका छन् । गाउँमा घाम लागेको बेला हरेक घरका छतमा दुई तीन जना सुतेको देखिन्छ, रुघा खोकीले गाउँ निकै प्रभावित बनेको छ छायानाथ रारा नगरपालिका–१ का स्थानीयवासी धनबहादुर मल्लले जानकारी दिनुभयो । एक हप्तायता गाउँमा निमोनिया र ज्वरोका कारण पाँच वर्षीय बालक र ७० वर्षीया वृद्धाको मृत्यु भएको उनले बताए । 

त्यस्तै यसै हप्ता छायानाथ रारा नगरपालिका–५ ढुम गाउँकी ७२ वर्षीया लालशोभा बुढाको मृत्यु भएको छ, त्यस्तै वडा नम्बर ७ मा एक वर्षीय बालक र ७० वर्षीय धर्मकला शाहीको मृत्यु भएको छ । त्यस्तै वडा नम्बर ४ भामवाडा गाउँमा एक हप्तायता पाँच जनाको मृत्यु भएको स्थानीयवासी धीरेन्द्र भामले बताए । 

यता खत्याड गाउँपालिकाका सबै गाउँ बस्तीमा रुघा खोकी, निमोनिया र ज्वरोको प्रकोप फैलिएको तथा सबैभन्दा बढी बालबालिका र वृद्धवृद्धा प्रभावित भएको स्थानीयवासी वीर्खबहादुर थापाले जानकारी दिनुभयो । रुघा, खोकी र ज्वरोका कारण शुक्रबारसम्म आधा दर्जन बढीको मृत्यु भएको उनले जानकारी दिए । 

यो साताभित्र एउटै रिगा गाउँका ६५ वर्षीय बिउरासर पाण्डे, ४४ वर्षीय विष्णु जैसी र ७५ वर्षीय ऋषिसन्न उपाध्याय र सुकाढिक गाउँकी ५५ वर्षीय पूर्वा कार्कीको मृत्यु भएको छ । 

कात्तिक दोस्रो सातादेखि अन्तिमसम्म सेरी साटबाडा गाउँका ५९ वर्षीय सिंहबहादुर बुढा, खमाले कवाकी ४२ वर्षीय मागी रोकाया, पैखु गाउँका ५६ वर्षीय धनसिंह थापा र सोही गाउँका ६५ वर्षीय दलसुर थापाको मृत्यु भएको छ । 

कडा ज्वरो आउने, टाउको दुख्ने, घाँटी पाक्ने, पेट दुख्ने रिंगटा लाग्ने बान्ता आउने आँखा दुब्ने खाना खान मन नलाग्नेजस्ता रोगको लक्षणले शरीर कमजोर हुँदै जाँदा औषधि उपचार नभएर मृत्यु हुने गरेको स्थानीयवासीले बताएका छन् । 

दुई सातासम्म बालबालिका र तन्नेरी बिरामी परेर सञ्चो हुने र ५० वर्षभन्दा माथिका दमरोग रक्तचाप कम र बढी भएका महिला पुरुषलाई रोगले बढी च्यापेर धमाधम मृत्यु हुन गरेको छ । गम्था, रिघा, रातापानी, कोटडाँडा, श्रीकोटलगायत बस्तीमा व्यापक भाइरल ज्वरो फैलिएको छ । चिसो बढ्दै जा“दा झन भाइरल ज्वरोका बिरामी बढेका छन् । 

सम्बन्धित समाचार

परेवाजस्तै माछो ! भाइरल बन्दै

चीन । एक जना माछा मार्ने मानिसले फरक खाले माछो समाएका छन् । उक्त माछाको टाउको परेवासँग ठ्याक्कै मिल्दोजुल्दो रहेको छ ।  उनले उक्त माछा समाएर फोटो र भिडियो खिचेपछि पुनः

जी७ राष्ट्रका नेताको सम्मेलनमा लिएको यो तस्बिर किन बन्यो भाइरल !

क्यानडा । जर्मन फेडेरल गभर्नमेन्टले एपीलाई उपलब्ध गराएको यो तस्बिरमा जर्मन चान्सलर एन्जेला मर्केल (बीच) अमेरिकी राष्ट्रपति डोनाल्ड ट्रम्पलाई केही भन्दै । दायाँ बसिरहेका ट्रम्प जी७ राष्ट्ररुका नेताको शिखर सम्मेलनका क्रममा

भाइरल ज्वरो के हो ? कस्तो अवस्थामा आउँछ ? यसबाट कसरी बच्ने ?

काठमाडौं । भाइरल ज्वरो मानिसको रगतमा भाइरसको संक्रमण भएपछि आउँछ । यसलाई सिजनल फ्लु पनि भनिन्छ । अझ भनौँ, जब मानिसको शरीरमा रोगप्रतिरोधात्मक क्षमता कम हुँदै गएपछि मानिसलाई भाइरल ज्वरो

अल्ट्राभाइलेट किरणले फ्लु भाइरल मार्न मद्दत गर्छ

युरोप । सूर्यको अल्टाभाइलेट किरणले हामीलाई नोक्सान पुर्याउँछ । तर यो किरणको कममात्रामा प्रयोग गर्ने हो भने नोक्सान नभईकन हावामा रहेको फ्लुको भाइरसलाई मार्नको लागि प्रयोग गर्न सकिने एक अध्ययनले