गुरुङ भाषाको पाठ्यक्रम बनाउँदै गोरखावासी

खरीबोट

फाइल तस्विर

गोरखा ।  उत्तरी गोरखाको साविकका १४ गाविसका २२ गाउँमा बोलीचालीमा रहेको गुरुङ भाषा विद्यालयमा पठनपाठन गर्ने तयारीसहित पाठ्यक्रम निर्माण गर्ने प्रक्रिया अघि बढेको छ । 

सदरमुकाममा हालै भएको भाषा गोष्ठीले आउँदो शैक्षिक सत्रदेखि लागू गर्ने गरी भाषा पाठ्यक्रम बनाउने तयारी गरेको धार्चे गाउँपालिका प्रमुख सन्तोष गुरुङले बताए । 

बोलीचालीको गुरुङ भाषाका शब्द संकलन गरिसकिएको छ । एउटै शब्दलाई टोलपिच्छे फरकफरक शब्दले बोलिने भएकाले सबै शब्द संकलन गरिएका हुन् । गुरुङ भाषा पाठ्यक्रम तयार गर्न ११ सदस्यीय समिति गठन भएको छ । समितिका संयोजक दिलबहादुर गुरुङका अनुसार पाठ्यपुस्तकको खेस्रा तयार भइसकेको छ । 

“आउँदो शैक्षिक सत्रमा कक्षा १, अर्को वर्ष कक्षा २ गर्दै माध्यमिक तहसम्म गुरुङ भाषाबाट पठनपाठनको व्यवस्था मिलाउँछौँ” गुरुङले भन्नुभयो । बारपाक, लाप्राक, उहिया, गुम्दा, लापु, सिर्दिबास, स्वाँरा र सौरपानी, घ्याच्चोक, केरौंजा गाउँका गुरुङ समुदाय गुरुङ भाषाको पाठ्यपुस्तक बनाउन जुटेका छन् । 

स्थानीय भाषामा पाठ्यक्रम तयार गरी पठनपाठन गर्न संविधानले नै अधिकार दिएको छ । उत्तरी गोरखामा बोलिने भाषालाई घले समुदायले आफ्नो घले भाषाको संज्ञा दिने र गुरुङ समुदायले गुरुङ भाषाको संज्ञा दिने गर्छन् । 

उत्तरी गोरखामा बोलिने तमु भाषा भनिनुपर्ने घले समुदाय बताउँछन् । उत्तरी गोरखा तमु समाजले पाठ्यक्रम निर्माणको अगुवाइ गरेको छ । 

सम्बन्धित समाचार

एनआईसी एशिया बैंकको २ नयाँ शाखाहरु आँबुखैरेनी र गोरखामा 

काठमाडौँ । एनआईसी एशिया बैंकको २ नयाँ शाखाहरु, आँबुखैरेनी गाँउपालिका वडा नं. ०३, आँबुखैरेनी, तनहुँ  र गोरखा नगरपालिका वडा नं ०६, हरमटारी, गोरखामा सोमबार एक समारोहका बिच् औपचारिक रुपमा समुद्घाटन

वडा सचिवको नाउँमा दुई करोड बेरुजु, वडा सचिव बेखबर

गोरखा ।  गोरखाको साविक हंशपुर र मुच्चोक गाविसका सचिव दीपकबहादुर दर्जीको नाउँमा दुई करोड रुपैँयाभन्दा बढी रकम बेरुजु देखिएको छ ।  गाविसको नाउँमा रहेको बैंक खाताबाट रकम झिकेको भए पनि दर्जीले सामाजिक सुरक्षा

गोरखापत्र संस्थान र चलचित्र विकास बोर्डमा नियुक्ति

काठमाडौं । सोमबार बसेको मन्त्रिपरिषद् बैठकले गोरखापत्र संस्थानमा रिक्त महाप्रबन्धक पदमा नियुक्ति गरेको छ । मन्त्रिपरिषद् बैठकले गोरखापत्र संस्थानका महाप्रबन्धकमा वसन्तप्रकाश उपाध्यायलाई नियुक्ति गरेको हो । यस्तै बैठकले चलचित्र विकास बोर्डको अध्यक्षमा

गोरखा १ मा चिनकाजीलाई हराउदै माओवादी केन्द्रका हरिराज अधिकारी विजयी

गोरखा । गोरखा क्षेत्र नम्बर १ मा माओवादी केन्द्रका उम्मेदवार हरिराज अधिकारी विजयी भएका छन् ।  अधिकारीले काँग्रेसका नेता चिनकाजी श्रेष्ठलाई पराजित गरेका छन् । अधिकारीले ३२१७ मत अन्तरले पराजित गरेका