चीनमा भूकम्प : मृत्यु हुनेको सङ्ख्या १९ पुग्यो

खरीबोट

चेङ्डु (चीन) । चीनको दक्षिणपश्चिमी क्षेत्रमा गएको भूकम्पमा परी मृत्यु हुनेहरुको सङ्ख्या बढी रहेको छ । 

यो समाचार तयार पार्दा सम्म कम्तीमा १९ जनाको मृत्यु भएको र अरु २४७ जना घाइते भएको चिनियाँ समाचार संस्था सिन्ह्वाले जनाएको छ । घाइते मध्ये ४० जनाको अवस्था गम्भीर रहेको पनि समाचारमा उल्लेख छ । 

पर्यटकीय नगरका रुपमा प्रख्यात रहेको दक्षिणपश्चिमी चीनको सिचुयान प्रान्तको जिउजाइगुउ अति नै प्रभावित हुने गरी मङ्गलबार राती सात म्याग्नीच्युडको शक्तिशाली भूकम्प आएको अधिकारीहरुले बुधबार बताएका छन् । 

स्थानीय समयानुसार मङ्गलबार साँझ ९ः१९ बजे आएको भूकम्पको केन्द्रविन्दु जिउजाइगुउ ग्रामीण इलाकाको २० किलोमिटर गहिराईमा रहेको भूकम्प सम्वन्धी चिनिया निकायले जनाइएको छ । 

गए रातिदेखि २४ घन्टायता दुई वटा शक्तिशाली भूकम्पको धक्का महसुश गरिएको अधिकारीहरुले जानकारी दिएका छन् । 

यसपछि पनि ६.३ म्याग्नीच्युडको शक्तिशाली भूकम्पमा अएको छ । यस भूकम्पको केन्द्रविन्दु सीनजियाङ्ग प्रान्तको काजकिस्तानको सीमा इलाका नजिकै रहेको जनाइएको छ । 

यस भूकम्पबाट भएको मानवीय र तथा भौतिक क्षतिको भने कुनै समाचार प्राप्त भएको छैन । यसअघि आएको ७.० म्यानिच्युडको भूकम्पमा परी स्थानीय समायानुसार बुधबार विहान ९ः३० सम्म दुई विदेशीसहित १७७ व्यक्ति घाइते भएका छन् । 

घाइते भएका विदेशीहरुमा एक फ्रान्सेली पुरुष र अर्का एक क्यानाडाली महिला रहेका छन । फ्रान्सेली पुरुषको दुइवटा नै खुट्टा भाँचिएको र अर्का क्यानाडाली महिलाको भने टाउकोमा सामान्य रुपमा चोट लागेको समाचारमा जनाइएको छ । 

घाइतेहरुको जिउजाइगुउमा रहेको नागरिक अस्पतालमा उपचार भईरहेको जनाइएको छ । 

सिचुवानको प्रान्तीय सरकारले यहाँका सरकारी सुरक्षा तथा उद्वारमा खट्ने निकायलौ चुस्त रुपमा काम गर्न निर्देशन दिएको छ । सोही बमोजिम उद्वारको कार्य जारी रहेको अधिकारीहरुले जानकारी दिएका छन् । 

चिनियाँ नेताहरुले पुरिएकाहरुलाई बाहिर निकाल्न र उद्धार तथा राहतमा लाग्न सवैलाई आह्वान गरेका छन् । स्थलमार्ग तथा हवाई मार्ग मार्फत् सेनाले उद्धार कार्य जारी राखेको प्रान्तीय सरकारले जनाएको छ । 

सरकारी अधिकारीहरुका अनुसार १२ सय ८५ जना सैनिक, ९० ओटा सवारी साधन र ९ ओटा विमान उद्धार तथा राहतका लागि खटिएका छन् । 

घाइते भएर अस्पताल लगिएका मध्ये केही सामान्य घाइतेहरु प्राथमिक उपचार पछि आफ्नो घर फर्किएका छन् । उद्धारकर्ताहरुले मृत्यु हुनेहरुको सङ्ख्या अझ बढ्न सक्ने आशंका गरेका छन् । 

सम्बन्धित समाचार

इरानमा आएको भूकम्पबाट ४५ करोड अमेरिकी डलर बराबरको क्षति

तेहरान ।  इरान र इराकको सीमाक्षेत्रमा गत आइतबार गएको ७.३ म्याग्नीच्युडको शक्तिशाली भूकम्पपछि गरिएको प्रारभिक सर्वेक्षणबाट ४५ करोड अमेरिकी डलर बराबरको क्षति भएको छ ।  तासनिम समाचार समितिले मङ्गलबार सो जानकारी दिएको छ

विनासकारी भूकम्पबाट ४५० इरानीको मृत्यु, २० गाउँ ध्वस्त

तेहरान । इरान र इराकमा आइतबार आएको भूकम्पमा परी कम्तीमा ४५०  जना इरानीको मृत्यु भएको सरकारी टेलिभिजनले जनाएको छ ।  टेलिभिजनले झण्डै ६६ हजार जना घाइते भएको पनि समाचारमा उल्लेख गरेको छ ।  इराक र

इरान-इराक भूकम्प अपडेट : कम्तीमा तीन सय ३६ जनाको मृत्यु, ३९ सय ५० जना घाइते

बग्दाद/अंकारा । आइतबार राति इरान र इराकको सीमाक्षेत्रलाई केन्द्रविन्दु बनाएर आएको भूकम्पमा कम्तीमा तीन सयभन्दा बढी व्यक्तिको मृत्यु भएको छ । बिहानै ७.३ रेक्टर स्केलको भूकम्पपश्चात् मृतकको संख्या बढ्दै गएको छ

इराक र इरानको भूकम्पमा ज्यान गुमाउनेको संख्या २ सय १८ पुग्यो

तेहरान ।  इराक र इरानको उत्तरी सीमा क्षेत्रमा ७.३ रेक्टर स्केलको भूकम्पबाट मृत्यु हुनेको संख्या २ सय १८ पुगेको छ । अन्तराष्ट्रिय समाचार एजेन्सी रोयटर्सका अनुसार भूकम्पबाट इरानमा मात्र २ सय