- २०८१ बैशाख ८ शनिबार
काठमाडौँ । स्पेनिस ला लिगा अन्तर्गत रियल म्याड्रिडले मालागामाथि जित हासिल गरेको छ ।
गएराती भएको खेलमा रियल म्याड्रिडले क्रिस्टियानो रोनाल्डोले गरेको खेलको ७६औ मिनेटको निर्णायक गोलबाट संघर्षपूर्ण जित हासिल गरेको हो ।
रियल म्याड्रिडको घरेलु मैदानमा भएको खेलमा खेलको ९औ मिनेटमा करीम बेन्जमाको गोलबाट सुरुवाती अग्रता लिएको रियलले खेलको १८औ मिनेटमा गोल खाएपछि खेल बराबरी भएको थियो । मालागाका लागि १८औ मिनेटमा रोलानले गोल फर्काएका थिए । त्यसको तीन मिनेटमा नै रियलका क्यासमिरोले गोल गर्दै रियललाई २-१ को अग्रता दिलाएका थिए ।
रियलले पहिलो हाफमा २-१ को अग्रता लिएको खेलको ५८औ मिनेटमा मालागाका कास्ट्रोको गोल गरेपछि खेल २-२ को बराबरीमा पुगेको थियो ।
खेलको ७५औ मिनेटमा रियलले पाएको पेनाल्टी रोनाल्डोले मिस गरेका थिए । रोनाल्डोले गोलकिपरले रोकेको पेनाल्टी बललाई गोलमा परिणत गरेका थिए ।
जितसँगै रियलको १३ खेलमा २७ अंक सहित लिगको चौथो स्थानामा रहेको छ । २७ अंक नै रहेको एथलेटिको म्याड्रिड गोल अन्तरको आधारमा रियलभन्दा अगाडी तेस्रो स्थानमा पुगेको छ । मालागा भने १३ खेलमा ७ अंकसहित लिगको १८औ स्थानमा पुगेको छ ।
