मतदान केन्द्र नजिकै राखिएको बम निष्क्रिय गरियो

खरीबोट

फाइल तस्बिर

मलेखु, धादिङ  । दक्षिणी धादिङको गजुरी गाउँपालिका वडा नं ५ स्थित गजुरी पीडामावि मतदान केन्द्र नजिकै आज सकेट बम फेला परेको छ । 

नेत्रविक्रम चन्द विप्लव नेतृत्वको नेकपा माओवादीले राखेको सो बम नेपाली सेनाले निष्क्रिय पारेको छ । 

मतदान केन्द्र नजिकै ३०० मिटर पर मानिस हिँड्ने बाटोमा बिहान बम भेटिएपछि प्रहरी र सेनालाई खबर गरिएको थियो । नेपाली सेनाको बम डिस्पोजल टोलीले बम निष्क्रिय पारेको जिल्ला प्रहरी कार्यालयका प्रहरी नायब उपरीक्षक रामबहादुर केसीले जानकारी दिए । 

बम निष्क्रिय पारेपछि सो क्षेत्रमा सेना परिचालन गरिएको छ । यसैबीच मतदातालाई सुरक्षितरुपमा मतदान गर्न आउन र जिल्लाभर नै सुरक्षाको प्रत्याभूति गरिएकाले निर्धक्क मतदान गर्न आउन प्रमुख जिल्ला अधिकारी श्याम भण्डारीले आग्रह गरेका छन् । 

निर्वाचनको तयारी सकिएकाले मतदानपछि १२ मतदानस्थलका १७ मतदान केन्द्रका ५१ वटा मतपेटिका हेलिकप्टरबाट ढुवानी व्यवस्था मिलाइएको पनि भण्डारीले जानकारी दिए । 

यसैबीच निर्वाचन आयोगका आयुक्त इला शर्माले आज धादिङको अनुगमन गर्दै निर्वाचन तयारीबारे जानकारी लिए । 

सम्बन्धित समाचार

‘शत्रु गते’ को ‘रुपै मोहनी’ लाई युट्युबमा एक करोड भ्यु 

काठमाडौँ ।  फिल्म ’शत्रु गते’ मा समावेश गीत ’रुपै मोहनी’ लाई दर्शकले रुचाएका छन् । गत डिसेम्बर २९ मा युट्युब मार्फत सार्वजनिक गरिएको गीतलाई फेब्रुअरी २२ सम्ममा एक करोड भन्दा

सिरहाको लहानमा प्रेसर कुकर बम विस्फोट 

लहान । लहान नगरपालिका– १ मारुती होटल नजिक अनिल अग्रवालको किराना पसलमा आज दिउँसो १ बजे प्रेसरकुकर बम पड्किएको छ ।  बमबाट ४२ वर्षीय अनिलकुमार अग्रवालको गर्धन र निधारमा चोट लागेको

कपिलवस्तुमा गुडिरहेको बसमा बम प्रहार, १२ जना घाइते

जितपुर । यहाँ गुडिरहेको बसमा बम प्रहार हुँदा १२ जना घाइते भएका छन् । काठमाडौंबाट दाङका लागि छुटेको ना६ख ७९१० नंको बसमा आज दिउँसो शिवराज नगरपालिका–३ बेलनदी नजिक अज्ञात समूहद्वारा

राजधानीमा बन्दको प्रभाव न्युन, अन्य क्षेत्रमा सवारी तोडफोड देखि बम विष्फोटसम्म

काठमाडौं । नेपाल कम्युनिष्ट पार्टीले आह्वान गरेको बन्दको अवज्ञ गरेको भन्दै देशका विभिन्न ठाउँमा शंकास्पद वस्तु राख्ने देखि बम बिष्फोट गर्ने सम्मका क्रियाकलाप गरेको छ । राजधानीमा बिहान देखि बन्दको प्रभाव