- २०८१ बैशाख १३ बिहीबार
काठमाडौँ । मंगलबार साँझ चीनमा आएको शक्तिशाली भूकम्पमा परी ७ जनाको मृत्यु भएको छ । चिनियाँ समाचार एजेन्सी सिन्ह्वाका अनुसार अहिलेसम्म ७ जनाको मृत्यु भएको र सयभन्दा बढी घाइते भएको जनाएको छ ।
सिचुआन प्रान्तदेखि ६६ किलोमिटर पर रहेको योङ्लेमा शक्तिशाली भूकम्प गएको छ । स्थानीय समयअनुसार बेलुका ९ बजेर १९ मिनेट जाँदा भूकम्प गएको हो । केन्द्रविन्दु वाङ्लेबाट ३६ किलोमिटर पश्चिम जमिनभन्दा १० किलोमिटर मुनी रहेको बताइएको छ ।
अमेरिकी भूगर्भ विभागले ६.५ म्याग्नेच्युडको भूकम्प गएको भनेपनि चिनियाँ एजेन्सीहरुले भूकम्प ७ रेक्टर स्केलको भएको बताएका छन् ।
