बाढीले पोल बगाउँदा दुई जिल्लामा विद्युत् अवरुद्ध

खरीबोट

फाइल तस्विर

ad

खोटाङ । लगातारको वर्षापछि आएको बाढीले पोल बगाउँदा खोटाङ र ओखलढुंगामा विस्तारित विद्युत् अवरुद्ध भएको छ । 

आइतबार परेको अविरल वर्षाका कारण उदयपुरको त्रियुगा खोलामा आएको बाढीले जलजले–बुइपा स्टेशनसम्मको ३३ केभी प्रशारणलाइनको तीन वटा पोल बगाएपछि दुई जिल्लामा तीन दिनदेखि विद्युत् सेवा अवरुद्ध भएको हो । 

विद्युत् अवरुद्ध हुँदा खोटाङ र ओखलढुंगाका हजारौँ सेवाग्राही मारमा परेका छन् । विद्युत् अभावमा दुवै जिल्लामा विद्युतीय उपकरण, सञ्चारमाध्यम, व्यापार व्यवसाय प्रभावित भएको उद्योग वाणिज्य संघका जिल्ला अध्यक्ष राजेन्द्र लगायलुले बताए । 

आइतबार रातिदेखि अवरुद्ध विद्युत् सुचारु गराउनका लागि प्राविधिकले मर्मतका काम गरिरहेको नेपाल विद्युत् प्राधिकरण दिक्तेल वितरण केन्द्रले जनाएको छ । यी दुई जिल्लामा यसअघि पनि पटकपटक विद्युत् अवरुद्ध हुँदै आएको थियो । लामो दूरी र जंगलको बाटो भएर विद्युत् लाइन विस्तार गरिएकाले अवरुद्ध विद्युत् समयमै सुचारु गर्न नसकिएको जनाइएको छ ।

सम्बन्धित समाचार

उद्योग क्षेत्रमा विद्युत्को कुनै समस्या छैन : कुलमान घिसिङ

काठमाडौँ / नेपाल विद्युत् प्राधिकरणले भैरहवास्थित विशेष आर्थिक क्षेत्र (सेज)मा विद्युत् आपूर्तिको समस्या नरहने बताएको छ ।  उद्योगी व्यवसायीले मागेअनुसार विद्युत् उपलब्ध गराउन प्राधिकरण तयार भए पनि उद्योगी आफैँले गर्नुपर्ने काम नगरेको

विद्युत् चोरीको आरोपमा वडा अध्यक्षसहित २१ जना पक्राउ

राजविराज । सप्तरीमा जारी रहेको विद्युत् हुकिङ नियन्त्रण अभियानअन्तर्गत तिरुहत गाउँपालिकाबाट वडा अध्यक्षसहित २१ जनालाई आज पक्राउ गरिएको छ ।  जिल्ला प्रहरी कार्यालय, सप्तरी र नेपाल विद्युत् प्राधिकरण वितरण केन्द्र राजविराजको संयुक्त

क्षमता भएर पनि जलविद्युत् उत्पादनमा कर्णाली प्रदेश कमजोर

काठमाडौँ / हाल सञ्चालनमा रहेका जलविद्युत् आयोजनाका आधारमा हेर्दा कर्णाली प्रदेश सबैभन्दा कमजोर देखिएको छ ।  जलविद्युत्को क्षमता अत्याधिक भए पनि निर्माण सम्पन्न भएको आधारमा हेर्दा कर्णाली प्रदेशमा हालसम्म ३.८ मेगावाट

क्यापासिटर बैंक नराख्ने उद्योगलाई कारबाही गर्ने प्राधिकरणको तयारी

काठमाडौँ / उद्योगले भोल्टेजलाई नियमित राख्न प्रयोग गर्ने ‘क्यापासिटर बंैक’ नराख्दा तराईका विभिन्न जिल्लामा विद्युत् आपूर्तिमा समस्या देखिएको छ ।  नेपाल विद्युत् प्राधिकरणको प्रणालीबाट आपूर्ति हुने विद्युत्मा भोल्टेजको गुणस्तर कायम गर्न र