मुगाबे युग अन्त्यको खुशियालीमा दशौँ हजार जिम्बावेली जनता सडकमा

खरीबोट
ad

हरारे, जिम्बाब्वे जिम्बाब्वेको राजधानीमा मुगाबे युगको अन्त्यको माग गर्दै शनिबार गरिएको प्रदर्शनमा दशौँ हजार जिम्बाब्वेली जनता सहभागी बनेका जिम्बाब्वेको राज्य सञ्चालित टेलिभिजन जेडटिभीले जनाएको छ । 

जिम्बाब्वेको सेनाले गत बुधबार मुगाबेबाट शासनसत्ता हातमा लिएको थियो । 

राष्ट्रपति मुगाबेलाई पदबाट राजिनामा दिलाउन दवाव सिर्जना गर्न जिम्बाब्वेका प्रभावशाली पूर्व सैनिकहरूको संगठन (जिम्बाब्वे नेशनल लिबरेसन वार भेटेरान्स एसोसिएसन)ले राजधानी हरारेमा शान्तिपूर्ण प्रदर्शनको आयोजना गरेको थियो । 

ठूलो सङ्ख्यामा प्रदर्शनमा भएको सङ्ख्याले सेनाको कदमलाई जिम्बाब्वेका जनताले अनुमोदन गरेको सहजै अनुमान गर्ने अवस्था देखिएको छ । 

प्रदर्शनकारीले ‘मुगाबेले सत्ता छोड’ र ‘मसगाबे वंशलाई मान्दैनौँ’ लगायतका नारा लगाउँदै चीसो मौसमको प्रवाह नगरी सडकमा सेनाको प्रशंसा गर्दै नाचगान समेत गरेका थिए । 
सडक प्रदर्शनमा ठूलो सङ्ख्यामा भूतपूर्व सेना, सर्वसाधारण, राजनीतिक नेता, नागरिक समाज, परम्परागत जातीय समूहका अगुवाहरू तथा युवाहरूको सहभागीता रहेको थियो । 

सेनाले शासनसत्ता सम्हालेपछि जिम्बाब्वेको सत्ताधारी दल जिम्बाब्वे अफ्रिकन नेशनल यूनियन– प्याट्रिओटिक फ्रन्ट (जेडएएन्यू–पिएफ) ले समेत मुगाबेलाई पदबाट राजिनामा दिन आग्रह गरेको छ । 
जेडएएन्यू–पिएफले यदि ९३ बर्षीय नेताले पदबाट हट्न अस्वीकार गरेमा उहाँलाई दलले फिर्ता बोलाउने बताएको छ । 

जेडएएन्यू–पिएफको १० वटै प्रान्तले मसगाबेको राजिनामा माग्ने बिषयमा सहमति जनाएका छन् । उक्त दलले राष्ट्रपति मसगाबेले गत हप्ता बर्खास्त गरेका पूर्व उपराष्ट्रपति एमरसन माङगाग्वाको पुनर्वहालीका लागिसमेत राष्ट्रपतिलाई दवाव दिएको छ । सत्ताधारी दलले पछिल्लो राजनीतिक घटनाक्रमबारे सेनाले शासनसत्ता हातमा लिएको दुई दिन भित्रै केन्द्रिय समितिको बैठक बोलाई आगामी दिनमा कसरी अघि बढ्ने भन्ने योजनाबारे छलफल गरेको थियो । 

सेनाले शासनसत्ता हातमा लिएयता आफ्नै घरमा नजरबन्दमा रहेकोमा शुक्रवार पहिलोपटक उनी सार्वजनिक कार्यक्रममा देखिएका थिए । 

आफू कुलपति रहेको विश्वविद्यालयको दीक्षान्त समारोहलाई उनले सम्बोधन गरेका थिए । तर उनकी पत्नी ग्रेस मुगाबे भने त्यहाँ उपस्थित बह्येकी थिइनन्  । 

सम्बन्धित समाचार

विश्वकपमा छनौट हुननसकेपछि जिम्बाबेका कप्तानसहित सम्पूर्ण कोचिंग स्टाफ बर्खास्त 

काठमाडौं । विश्वकपमा छनौट हुन् नसकेको जिम्बाबे क्रिकेट बोर्डले कप्तानसहित सम्पूर्ण कोचिङ स्टाफलाई बर्खास्त गरेको छ ।  अन्तिम खेलमा युएईसँग पराजित भएर २०१९ मा हुने विश्वकपमा छनौट हुन् असफल भएको जिम्बाबेले

युएईसँग जिम्बाबे पराजित, आयरल्याण्ड र अफगानिस्तानलाई विश्वकपमा छनौट हुने मौका  

काठमाडौँ । आसीसी विश्वकप छनौट खेलको सुपर सिक्सको अन्तिम खेलमा युएईसँग पराजित भएपछि आयोजक जिम्बाबेको विश्वकपमा छनौट हुने सम्भावना सकिएको छ ।  अब शुक्रबार हुने आयरल्याण्ड र अफगानिस्तानबीचको खेलको विजेता विश्वकपमा

नेपालविरुद्ध गलत एक्सनमा बलिङ गरेका जिम्बाबेका भिटोरीलाई अन्तर्राष्ट्रिय क्रिकेटमा प्रतिबन्ध  

काठमाडौँ । जिम्बाबेका बलर ब्रायन भिटोरीलाई आइसीसीले तत्काल देखि लागु हुने गरि अन्तर्राष्ट्रिय क्रिकेट खेल्न प्रतिबन्ध लगाएको छ । गत फागुन २० गते नेपालविरुद्धको खेलमा अवैध बलिङ एक्सनले बलिङ गरेको भन्दै उनलाई

अफगानिस्तानमाथि जिम्बाबेको २ रनको जित, अफगानिस्तानको दोस्रो हार 

काठमाडौँ ।  विश्वकप छनौट अन्तर्गत नेपालको समुह बि मा रहेको आयोजक जिम्बाबेले अफगानिस्तानलाई २ रनले पराजित गरेको छ । १९७ रनको लक्ष्य पछ्याएको अफगानिस्तान ४९.३ ओभरमा १९४ रनमा अलआउट भएपछि आयोजक