बजार अनुगमन : दुई पसलमा सिलबन्दी, अस्पतालको चमेनागृहमा अखाद्य सामग्री

खरीबोट

फाइल तस्विर

काठमाडौँ ।  अनुगमनका क्रममा आज नियम विपरीत सञ्चालन हुँदै आएका दुई पसलमा सिलबन्दी गरिएको छ । 

आपूर्ति मन्त्रालय, आपूर्ति व्यवस्थापन तथा उपभोक्ता हित संरक्षण विभागले आइतबारदेखि सुरु गरेको विशेष बजार अनुगमनका क्रममा अखण्ड मेडिकल सेन्टर, बत्तीसपुतलीले स्वीकृतिपत्र नवीकरण नगरेको, प्रयोगशाला परीक्षण प्रतिवेदन र सम्बन्धित व्यक्तिलाई दिइएको प्रतिवेदन फरक फरक पाइएकाले सिलबन्दी गरी सात दिनभित्र विभागमा आउन निर्देशन दिएको छ । 

त्यसैगरी निर्माण सामग्रीतर्फ बनस्थलीमा रहेको संस्कार ट्रेडिङमा रहेको ३०१ बोरा सिमेन्टको तौल परीक्षण गर्दा ६९ बोरामा अनियमितता देखिएकाले सिलबन्दी गरी तीन दिनभित्र विभागमा आउन निर्देशन दिएको विभागमा निर्देशक लक्ष्मण श्रेष्ठले जानकारी दिए । 

पानी राख्नका लागि अयोग्य जारमा पानी नराख्न यही साउन १८ गते नै दिइएको निर्देशन पालना नगरेको पाइएपछि टोखास्थित पिस स्प्रिङ वाटर प्रालिबाट २८ तथा वेभरेन्ज प्रालिबाट २१ पुराना र कुच्चिएको जार नष्ट गरी सात दिनभित्र विभागमा आउन निर्देशन दिइएको छ । 

त्यस्तै ललितपुर पाटन अस्पतालमा सञ्चालित प्राप्ति होटल एण्ड चमेनागृहबाट १३ पोका लेबल नभएको चाउमिन नष्ट गरिएको छ । लेबल नभएको सामग्री वितरण गरिएको, अत्यन्तै फोहोर रहेको र अस्पतालसँगको सम्झौतासमेत देखाउन नसकेका हुनाले सबै कागजपत्रसहित तीन दिनभित्र विभागमा आउन चमेनागृहलाई निर्देशन दिइएको छ । अनुगमन संयोजक निरज घिमिरे, टीकाराम पोखरेल, रमेशकाजी श्रेष्ठसहितको टोलीले आज मात्र काठमाडौँ उपत्यकाका विभिन्न स्थानमा रहेका ५२ पसलको अनुगमन गरेको थियो । 

सम्बन्धित समाचार

विद्यार्थी संगठनहरुले मेडिकल कलेजको अनुगमन गर्ने

काठमाडौँ ।  विभिन्न विद्यार्थी संगठनले पछिल्लोपटक शिक्षा क्षेत्रमा देखिएका समस्या समाधान गर्नुपर्ने माग गरेका छन् ।  अनेरास्ववियू, अखिल क्रान्तिकारी र नेवि संघलगायतका विद्यार्थी संगठनले संयुक्तरूपमा आज एक प्रेस विज्ञप्ति जारी गरी चर्को शुल्क

स्थानीय तहको सेवाप्रवाहबारे गुनासो बढेपछि सरकारले गठन गर्‍यो अनुगमन टोली 

काठमाडौं । स्थानीय विकास मन्त्रालयले स्थानीय तहमा प्रशासनिक कर्मचारी नपुगेकोलगायतका जनगुनासा आएपछि सबै प्रदेशको अनुगमन गर्न टोली गठन गरेको छ । मन्त्रालयले स्थानीय तहहरुको सेवा सञ्चालनलाई लिएर विभिन्न टीकाटिप्पणी बाहिर

प्रदेश नं ३ को राजधानीका लागि भक्तपुरका भौतिक संरचनाको अनुगमन

भक्तपुर । प्रदेश नं ३ को राजधानीका लागि सम्भाव्य ठानिएको भक्तपुरमा आज भौतिक संरचना र सडकको अनुमगन गरिएको छ ।  भक्तपुरका नवनिर्वाचित सांसद्देखि नेकपा एमाले र नेपाली काँग्रेस, जिल्ला समन्वय समिति, जिल्ला

निर्वाचन अनुगमनका लागि उच्चस्तरीय अनुगमन टोली गठन

काठमाडौँ । राष्ट्रिय मानवअधिकार आयोगले निर्वाचन अनुगमन कार्यलाई थप प्रभावकारी र विश्वसनीय बनाउन आयोगका अध्यक्ष अनुपराज शर्माको नेतृत्वमा उच्चस्तरीय अनुगमन टोली गठन गरेको छ ।  शर्माको नेतृत्वमा मानवअधिकारकर्मी, महिला अधिकारकर्मी, नागरिक