जिल्ला समन्वय समितिको निर्वाचनमा १४ जना उम्मेदवार

खरीबोट

महेन्द्रनगर । धनुषा जिल्ला समन्यव समितिको नेतृत्वका लागि हुने निर्वाचनमा १४ जनाले उम्मेदवारी दर्ता गराएका छन् । 

सो समितिको नौजना सदस्यका लागि १४ जनाले उम्मेदवारी दर्ता गराएको धनुषाका मुख्य निर्वाचन अधिकृत राधाकृष्ण उप्रेतीले जानकारी दिए । 

समितिको सभापतिमा दुई, उपसभापतिमा एक, महिला सदस्यमा पाँच, दलित तथा अल्पसङ्ख्यमा दुई र सदस्यमा चार जनाले उम्मेदवारी दर्ता गराएको उहाँले बताए । 

सभापतिमा नेपाली काँग्रेसबाट रामदेव बनरैत यादव र एमालेबाट वृहीबहादुर तुलाङगीले उम्मेदवारी दिएका छन् भने उपसभापतिमा राजपाबाट एक मात्र उम्मेदवारी परेपछि निर्विरोध निर्वाचित भएका छन् । राजपाले उपसभापतिमा जनकपुर उपमहानगरपालिका–४ का वडा सदस्यमा निर्वाचित दीपक झालाई उम्मेदवार बनाएको हो । 

काँग्रेसले सभापतिसहित चारवटा पदमा उम्मेदवारी दिएको सभापतिका उम्मेदवार रामदेव बनरैत यादवले जानकारी दिए । उनले राजपा उपसभापतिसहित तीन र संघीय समाजावादी फोरमलाई दुई गरी पाँच पदमा दिने सहमति भएको बताए । 

त्यस्तै, एमाले र माओवादी केन्द्रको वाम गठबन्धनले सभापतिसहित पाँचवटा पदमा उम्मेदवारी दिएको एमाले नेता हरिनारायण महतोले जानकारी दिए । मधेशवादीसँग चुनावी तालमेल गर्ने हिसाबले अन्य सिटमा उम्मेदवारी नदिएको उनले स्पष्ट पारे । 

जिल्लाका १८ वटै स्थानीय तहका प्रमुख ÷उपप्रमुख तथा अध्यक्ष ÷उपाध्यक्ष गरी ३६ जना मतदाता रहेका छन् । सो अनुसार काँग्रेस १५, राजपा चार, संघीय फोरम तीन र वाम गठबन्धनसँग १४ वटा मत रहेको छ । समन्वय समिति कार्य समितिका लागि अगामी ३० गते मतदान हुनेछ ।

सम्बन्धित समाचार

लाङटाङमा उम्मेदवार नै पुगेनन्

रसुवा  हिमाली गाउँ लाङटाङमा कुनै पनि उम्मेदवारले अहिलेसम्म मत माग्न पुगेका छैनन् । मंसिर १० गते हुने प्रतिनिधिसभा तथा प्रदेशसभा सदस्य निर्वाचनका लागि मत माग्न कुनै पनि दलका उम्मेदवार यहाँ पुग्न

पैसाको बलमा लोकतन्त्र समाप्त पार्ने खेल हुँदैछ – नेता पौडेल

दमौली । नेपाली काँग्रेसका वरिष्ठ नेता तथा क्षेत्र नं १ का प्रतिनिधिसभा सदस्यका उम्मेदवार रामचन्द्र पौडेलले वाम गठबन्धनबाट पैसाको बलमा लोकतन्त्र समाप्त गर्ने प्रयास भइरहेको बताए ।  व्यास नगरपालिका–१ को गल्वुवेसीस्थित चुनावी कोणसभालाई

चर्चित निर्वाचन क्षेत्र : कञ्चनपुरमा लेखक, साउद र विनाको चर्चा 

भीमदत्तनगर । प्रतिनिधिसभा र प्रदेशसभा सदस्य निर्वाचनमा कञ्चनपुरमा लोकतान्त्रिक र वाम गठबन्धनबीच मुख्य प्रतिस्पर्धा हुने देखिएको छ । कञ्चनपुर निर्वाचन क्षेत्र नं. २ बाट नेपाली काँग्रेसका केन्द्रीय सदस्य एवं पूर्वमन्त्री

रौतहटमा फेला परेको बम सेनाद्वारा निष्क्रिय

रौतहट । रौतहटको गुजरा नगरपालिका–५ हरिहरपुर बजारभन्दा पूर्वपट्टि बाटो छेउमा भेटिएको बेवारिसे बमलाई नेपाली सेनाको एक टोलीले निष्क्रिय बनाएको छ ।  गौर पुरेनावास्थित इन्द्रबक्स गणबाट आज बिहान गएको सेनाको टोलीले ४ घन्टा बढी