प्रहरीद्वारा गौचन हत्याका ५ आरोपी सार्वजनिक 

खरीबोट

प्रहरीले सार्वजनिक गरेका घटनामा संलग्न पाँच जना ।

काठमाडौँ ।  नेपाल निर्माण व्यवसायी महासंघका अध्यक्ष शरदकुमार गौचनको हत्यामा संलग्न रहेको भन्दै प्रहरीले मुख्य अभियुक्तसहित ५ जनालाई सार्वजनिक गरेको छ । भृकृटीमण्डपस्थित महेन्द्र पुलिस क्लबमा शुटरसहित अन्य सहयोगीलाई मंगलबार दिउँसो पत्रकार सम्मेलन गरी सार्वजनिक गरेको हो ।

प्रहरीले सार्वजनिक गरेकाहरुमा गौचनलाई गोली हान्ने सुटर राजीव स्याङतानसहित मुकेशकुमार पाडे, सन्तोष गुरुङ, प्रकाश बुढाथोकी र शिवजी महतो रहेका छन् । गत असोज २३ गते गौचनको ओमशान्ति चोकबाट बानेश्वर जानेक्रममा गोली हानी हत्या गरिएको थियो । पक्राउ परेकामध्ये राजीव सुटर रहेको अनुसन्धान टोलीका संयोजक डीआईजी गणेश केसीले जानकारी दिए ।

हत्यालगत्तै प्रहरीले घटनाबारे अनुसन्धान गर्न केसीको नेतृत्वमा सात सदस्यीय छानबिन समिति गठन गरेको थियो । पक्राउ परेका शिवजी महतोले ५५ हजारमा हतियार खरिद गरी हाल फरार रहेका श्याम बहादुर गुम्बेलाई ६५ हजारमा हतियार बेचेको अनुसन्धानबाट खुलेको छ । प्रहरीका अनुसार घटनामा दुईवटा गोली प्रहार भएकोमा दुवै गोली फरक फरक हतियारबाट चलाइएको पनि खुलेको छ ।

उनीहरुको साथबाट बा.३५प २४६१ नं.को साइन मोटरसाइकल गरिएकोमा उक्त मोटरसाइकल शिवजी महतोले भारतको वेतियाबाट १८ हजारमा खरिद गरी श्याम गुम्बेलाई २४ हजारमा बिक्री गरेको देखिएको छ ।

प्रहरीले मनोज पुन र मुख्य आरोपी समिरमान लगायत आठ जना फरार रहेको जानकारी प्रहरीले पत्रकार सम्मेलनमा दिएको छ। प्रहरीले घटनामा संलग्न भई फरार भएकाहरुको नाम पनि सार्वजनिक गरेको छ । जसअनुसार समिरमान सिंह बस्नेत, मनोज पुन, लोप्सांग, बोका भन्ने गंगा लिंग्देन (लिम्बू), श्याम बहादुर गुम्बे, काले दाइ भन्ने अम्बर बहादुर राना, रोशन बुढाथोकी र अजय थापा रहेका छन् ।

गौचनलाई गत असोज २३ गते शान्तिनगरस्थित आफ्नो निवासबाट महासंघ कार्यालय आउने क्रममा गोली हानिएको थियो । गोली लागि घाइते भएका गौचनको मिनभवन स्थित निजामती अस्पतालमा उपचारका क्रममा मृत्यु भएको थियो ।

सम्बन्धित समाचार

क्रिकेटर शक्ति गौचनद्वारा सन्यासको घोषणा

काठमाडौँ । राष्ट्रिय क्रिकेट टोलीका अनुभवी क्रिकेटर शक्ति गौचनले सन्यास लिने घोषणा गरेका छन् ।  विहिबार युरोप टुरमा जानु अघि आयोजित पत्रकार सम्मेलनमा शक्तिले सन्यास लिने घोषणा गरेका हुन् । सन्यासको

गण्डकी विकास बैंकको अध्यक्षमा सुशील गौचन चयन

काठमाडौं । गण्डकी विकास बैंकको दशौँ वार्षिक साधारणसभाले संस्थापकतर्फ तीन र सर्वसाधारणतर्फ तीन गरी छ जना सञ्चालक निर्वाचित गरेको छ । साधारणसभाबाट सुशील गौचन, पद्म प्रसाद पौडेल, किशोर ओझा तथा सर्वसाधारणतर्फ

गौचनको हत्यामा संलग्न नौ जनालाई पुर्पक्षका लागि थुनामा राख्ने आदेश

काठमाडौँ । जिल्ला अदालत काठमाडौँले निर्माण व्यवसायी महासंघका अध्यक्ष शरदकुमार गौचनको हत्यामा संलग्न नौ जनालाई पुर्पक्षका लागि थुनामा राख्ने आदेश दिएको छ ।  न्यायाधीश बाबुकाजी बाँनियाको इजलासले आज थुनछेक बहसपछि गौचनको

निर्माण व्यवसायी गौचनलाई गोली हान्ने पक्राउ, अर्को शुटर अझै फरार

काठमाडौं । नेपाल प्रहरीको केन्द्रीय अनुसन्धान ब्युरो (सीआईबी)ले निर्माण व्यवसायही महासंघका अध्यक्ष शरदकुमार गौचनलाई गोली हान्ने मुख्य शुटरलाई पक्राउ गरेको छ । सीआईबीका अनुसार गौचनमाथि गोली हान्ने श्यामबहादुर गोम्बे पक्राउ परेका