नेपाल र युएईबीच श्रम सम्झौताको तयारी

खरीबोट
ad

काठमाडौँ । नेपाल र संयुक्त अरब इमिरेट्स युएईबीच द्विपक्षीय श्रम सम्झौताको तयारी अन्तिम चरणमा पुगेको छ । 

श्रम तथा रोजगार मन्त्रालयका प्रवक्ता भुवनप्रसाद आचार्यले केही प्राविधिक विषयमा दुई देशबीच सहमति भए केही दिनमै सम्झौताको टुंगो लाग्ने जानकारी दिए । 

उनले भने, ‘हामीले पठाएको श्रम सम्झौताको खाकामा युएईले आफ्नो धारणासहित परिमार्जनको खाका पठाएको छ, हामी अध्ययनकै क्रममा छौँ ।’

युएईले पठाएको खाकाबारे श्रम मन्त्रालय, परराष्ट्र मन्त्रालय र कानून, न्याय तथा संसदीय मामिला मन्त्रालयले अध्ययन गरिरहेको छ । गत महिना जोर्डनसँग भएको श्रम सम्झौताअनुरुपकै खाकामा युएईसँग पनि सम्झौताको तयारी भइरहेको छ । 

सम्झौतामा कामदारको हक, अधिकार, कार्यक्षेत्रको अवस्था, कार्यअवधि, बीमा, न्यूनतम तलब, आपूर्ति प्रक्रियालगायतका विषय समावेश हुनेछ । युएईसँग हुने सम्झौतामा साधारण कामदारका साथै घरेलु कामदारको विषयमा समेत छुट्टै सम्झौता गर्ने तयारी भइरहेकोे प्रवक्ता आचार्यले जानकारी दिए । 

सम्झौतामा युएईमा रोजगारीका लागि जाने नेपाली कामदारलाई निःशुल्क टिकट र प्रवेशाज्ञाको व्यवस्था उल्लेख गरिने छ । सुरक्षित र मर्यादित श्रम तथा कामदारको हकअधिकारसम्बन्धी अन्तरराष्ट्रिय मापदण्डलाई पालन गर्न सम्झौताले सहयोग पुग्नेछ । 

नेपालले रोजगारीका लागि १०८ मुलुक खुला गरे पनि हालसम्म कतार र जोर्डनसँग मात्रै द्विपक्षीय श्रम सम्झौता गरेको छ । बहराइन, दक्षिण कोरिया, युएई र इजरायलसँग श्रमसम्बन्धी समझदारीपत्रमा हस्ताक्षर भएको छ ।
 

सम्बन्धित समाचार

ठेक्का लागेको वर्ष दिनपछि सम्झौता

खोटाङ । दिक्तेल–खोटाङबजार सडकखण्डअन्तर्गतको तावाखोलाको सडक पुल निर्माणका लागि ठेक्का लागेको झन्डै वर्ष दिनपछि मात्र सम्झौता भएको छ ।  करिब रु चार करोडको लागतमा वर्ष दिनभित्र सम्पन्न गर्ने गरी नेशनल–सिद्धिसायी–महावीर निर्माण

नेपाल इन्भेष्टमेण्ट बैंक र इन्टरनेशनल फाइनान्स कर्पाेरेसनबीच कर्जा सम्झौता

काठमाडौं । नेपाल इन्भेष्टमेण्ट बैंक लि. र विश्व बैंक समूहअन्तर्गतको इन्टरनेशनल फाइन्यान्स कर्पोरेशन (आईएफसी)बीच कर्जा सम्झौता भएको छ । बुधबार सम्झौतापत्रमा हस्ताक्षर भएको बैंकले जनाएको छ ।  सम्झौतापत्रमा इन्भेष्टमेण्ट बैंक लि.का

एनआईसी एशिया बैंक र क्लियरिङ्ग हाउसबीच सम्झौता

काठमाडौँ । डिजिटल भुक्तानी प्रणालीमा उल्लेखनीय भुमिका  निर्बाह गर्दै आएको एन आई सी एशिया बंैक लिमिटेडले नेपाल क्लियरिङ्ग हाउस लिमिटेडसँगको सहकार्यमा रू. १ लाखसम्मको राजश्व छिटो, छरितो, सरल एवं सुबिधायुक्त

मुक्तिनाथ विकास बैंक र एसएआर एडभाइजर्सबीच सम्झौता 

काठमाडौँ । मुक्तिनाथ विकास बैंक र एसएआर एडभाइजर्सबीच  सम्झौतामा हस्ताक्षर भएको छ ।  नेपाल चार्टर्ड एकाउन्टेन्स् संस्थाले तोकेको लेखा मापदण्ड अनुसारले वित्तीय विवरण तयार गर्नको लागि मुक्तिनाथ विकास बैंक र एसएआर