प्रधानमन्त्री देउवा २८ गतेबाट पश्चिम क्षेत्रमा, यस्तो छ भ्रमण तालिका 

खरीबोट

ललितपुर  । नेपाली कांग्रेसका सभापति तथा प्रधानमन्त्री शेरबहादुर देउवाले निर्वाचन प्रचारका लागि कार्तिक २८ गतेदेखि पश्चिम नेपालको भ्रमण गर्ने भएका छन् ।

नेपाली कांग्रेसको केन्द्रीय निर्वाचन परिचालन समितिका संयोजक तथा नेपाली कांग्रेसका केन्द्रीय सदस्य बालकृष्ण खाँणले सोमबार नेपाली कांग्रेसको केन्द्रीय कार्यालय सानेपामा आयोजित पत्रकार सम्मेलनमा सो जानकारी दिएका हुन् ।

प्रधानमन्त्री देउवा कार्तिक २८ गते नेपालगञ्ज जाने र सोही दिन उनले सुरक्षा निकाय र प्रशासनिक निकायका प्रमुखहरुसंग शान्ति सुरक्षा र अन्य विषयमा छलफल गर्ने कार्यक्रम तय भएको छ । सोही दिन प्रधानमन्त्रीले अन्य दलका प्रतिनिधि, लोकतान्त्रिक गठबन्धनका प्रतिनिधि सहित स्थानीय नेताहरु र नेपाली कांग्रेसका सो क्षेत्रका उम्मेदवार तथा कार्यकर्ताहरुसंग पनि भेटघाट गर्ने कार्यक्रम रहेको छ ।

त्यसपछि प्रधानमन्त्री देउवा २९ गते धनगढी पुग्ने कार्यक्रम छ । सो दिन उनले पार्टीका उम्मेद्वार तथा नेता र कार्यकर्ताहरुसंग भेटघाट गर्नेछन् ।  सोहि दिन प्रधानमन्त्रीले अन्य पार्टीका नेता,कार्यकर्तासँग सम्वाद गर्ने कार्क्रम रहेको छ । सो दिन प्रधानमन्त्री तथा पार्टी सभापति देउवाले धनगढीमा अन्य पार्टीबाट नेपाली कांग्रेसमा प्रवेश गर्ने राजनीतिकर्मीहरुलाई स्वागत गर्ने कार्यक्रम पनि रहेको छ ।

सो दिन उनले सुदूर पश्चिमाञ्चलका प्रशासक र सुरक्षा निकायका प्रमुखहरुसँग क्षेत्रको शान्ति,सुव्यवस्था र सुरक्षाका बारेमा छलफल गर्ने कार्यक्रम रहेको छ  ।
त्यसपछि ३० गते प्रधानमन्त्री देउवा गृह जिल्ला डँडेलधुरा पुग्ने कार्यक्रम छ ।

प्रधानमन्त्री देउवाले गृहजिल्लालाई नै मुकाम बनाएर सुदूर पश्चिमाञ्चलका विभिन्न जिल्लाको निर्वाचन अभियानलाई गति दिदै आमसभाहरुलाई संबोधन गर्ने कार्यक्रम रहेको छ । नेपाली कांग्रेस केन्द्रीय निर्वाचन परिचालन समितिका संयोजक एवम् केन्द्रीय सदस्य बालकृष्ण खाँणका अनुसार प्रधानमन्त्री देउवाले मंसिर १ गते दार्चुला र बैतडीका चुनावी सभाहरुलाई संबोधन गर्ने कार्यक्रम छ ।

मंसिर २ गते प्रधानमन्त्री देउवाले बझाङ्ग र बाजुराका आमसभाहरुलाई संबोधन गर्नेछन् । जिल्ला भ्रमणका अवसरमा प्रधानमन्त्री देउवाले जिल्लाको शान्ति सुरक्षाको अवस्थाका बारेमा प्रशासक र सुरक्षाकर्मीहरुसंग जानकारी लिनुका अतिरिक्त नेपाली कांग्रेस र लोकतान्त्रिक गठबन्धनका नेता र कार्यकर्ताहरुसंग पनि भेटघाट गर्ने कार्यक्रम रहेको छ ।

प्रधानमन्त्री त्यसपछि रुकुम,रोल्पा जाजरकोट, जुम्ला, हुम्ला र मुगुका चुनावी सभाहरुलाई संबोधन गर्न पनि जाने कार्यक्रम भएपनि दिन भने निर्धारित नभएको कांग्रेस केन्द्रीय निर्वाचन परिचालन समितिले जानकारी दिएको छ ।
 

सम्बन्धित समाचार

कारवाही गरेर देखाउन प्रकाशमानको सभापति देउवालाई चुनौती 

काठमाडौँ । विहिवार र शुक्रबार बसेको नेपाली काँग्रेसको केन्द्रीय समितिको बैठकमा पार्टी सभापति देउवाको कडा अलोचना भएको छ ।  शुक्रबारको बैठकमा पूर्वमहामन्त्री प्रकाशमान सिंह पार्टी सभापति शेरबहादुर देउवाविरुद्ध आक्रामक रुपमा प्रस्तुत

निर्वाचन प्रक्रियामा सबैलाई सहभागी गराउनसक्नु काँग्रेसको सफलता - प्रधानमन्त्री देउवा

काठमाडौँ ।  प्रधानमन्त्री एवं नेपाली काँग्रेसका सभापति शेरबहादुर देउवाले काँग्रेसको नेतृत्वमा निर्माण भएको संविधान कार्यान्वयनको एउटा महत्वपूर्ण चरण काँग्रेसकै नेतृत्वमा पूरा भएको बताएका छन् ।  आज बिहानदेखि प्रधानमन्त्री निवास बालुवाटारमा शुरु भएको पार्टी केन्द्रीय

दाङमा चर्कियो आन्दोलन, निर्णय सच्याउन देउवालाई खुमबहादुरको दबाब 

काठमाडौँ । प्रदेश नं. ५ को अस्थायी मुकाम बुटवल बनाएको विरोधमा दाङमा अनिश्चितकालिन बन्द जारी रहेको छ । जिल्लामा बिहिबार पनि बिहानैदेखि यातायात, बजार, कलकारखाना, शैक्षिक संस्था सबै ठप्प छन् ।

०७२ सालको भूकम्पबाट पाठ सिक्यौँ : प्रधानमन्त्री देउवा

काठमाडौं / सबल समुदाय र स्थानीय सरकार, भूकम्पपीय सुरक्षाको बलियो आधार भन्ने मूल नाराको साथ २०औँ भूकम्प सुरक्षा दिवस मनाइएको छ । मंगलबार वसन्तपुर दरबार क्षेत्रमा प्रधानमन्त्री शेरबहादुर देउवाको उपस्थितिमा