उड्ने मान्छेले बनाए दुर्लभ विश्व रेकर्ड ! [फोटो फिचर]

खरीबोट

युरोप । बेलायतका आविष्कारक रिचार्ड ब्राउनिङले अनौठो विश्व रेकर्ड कायम गरेका छन् । उनले जेट सुट पहिरनमा विश्वकै तीव्रगतिमा उडेर अनौठो विश्व रेकर्ड कायम गरेका हुन् । उनलाई रकेट म्यान अर्थात् रकेटजस्तै उड्ने मान्छे भनिएको छ । अक्सर हलिउड फिल्ममा देख्न पाइने मानिस उडेको दृश्यले अन्ततः साकार रुप पाएको छ ।

उनले लगाएको जेट सुटको मूल्यमात्रै ४० हजार पाउण्ड स्टर्लिंग अर्थात् करिब ५५ लाख नेपाली रुपैयाँ पर्छ । यो कपडाको डिजाइनकर्ता पनि उनी आफैँ हुन् । उनले प्रतिघण्टा ३२.०२ गतिमा नयाँ गिनिज रेकर्ड बनाएका छन् ।

भविष्यमा यो कीर्तिमान तोड्ने पनि उनी नै हुनसक्नेछन् । उक्त सुटलाई पाखुरा चलाएर नियन्त्रण गर्न सकिन्छ भने हेलमेटले इन्धनबारे जानकारी दिने गरी बनाइएको छ ।

३८ वर्षीय ब्राउनिङले यो कीर्तिमान मंगलबार बेलायतको बर्कशाइरस्थित रिडिंगमा रहेको लगुना पार्कमा कायम गरेका हुन् । यसअघि प्रतिघण्टा ३० को गतिको कीर्तिमान गिनिजमा रेकर्ड भएको थियो ।

उनले कीर्तिमान कायम गरिरहँदा माहोल भने कुनै साइन्स फिक्सन फिल्मको दृश्यजस्तो लाग्थ्यो । उनी विस्तारै हावामा उड्ने क्रममा भुइँबाट करिब २ मिटर छोडेपछि गति लिएका थिए । यद्यपि उनले सुरुका दुई प्रयासमा भने सफलता पाएनन् ।

तेस्रो पटकमा भने उनले उक्त गतिमा नियन्त्रित रुपमा हावामा सम्हालिएको बताइएको छ । उनले पोखरीमाथि आफूलाई अवतरण गराएको बताइएको छ । उनी आफ्नो बुबाबाट प्रभावित थिए । उनका बाबु हेलिकोप्टर कम्पनीमा इन्जिनियर थिए ।

  • डेली मेलबाट अनुदित ।

सम्बन्धित समाचार

बलिवुडमा एकपछि अर्को ६ फिल्म लिएर आउदै शाहरुख, बक्स अफिसमा नयाँ रेकर्ड बनाउने तयारी 

मुम्बई । बलिवुडका किङ खान शाहरुख खान एक पटक फेरी बक्स अफिसमा राज गर्ने योजनाका साथ ६ फिल्ममा काम गरिरहेका छन् ।  पछिल्लो समय सलमान खान र आमिर खानको तुलनामा शाहरुख

क्रिस गेलले हाने आइपिएलमा यस सिजनको पहिलो शतक, गेलको नाममा छन् यस्ता रेकर्ड 

काठमाडौँ । आइपिएलमा किंग्स इलेभेन पंजावबाट खेल्ने वेस्टइण्डिजका ब्याट्सम्यान क्रिस गेलले यस सिजनको पहिलो शतक हानेका छन् ।  गएराती सनराइजर्स हैदरावादविरुद्धको खेलमा गेलले यस आइपिएलको पहिलो शतक हानेका हुन् । गेलले

ला लिगामा बार्सिलोनाको नयाँ रेकर्ड 

काठमाडौँ । स्पेनिस ला लिगाको इतिहासमा बार्सिलोनाले नयाँ रेकर्ड बनाएको छ ।  गएराती ला लिगा अन्तर्गतको खेलमा सेल्टा भिगोसँग २-२ गोलको बराबरी खेलेको बार्सिलोनाले यस सिजनमा खेलेका ३३ खेलमा अपराजित हुदै

कान्छा पत्रकार सुजन आचार्यले टिभीमा लामो टक शो गरि रेकर्ड राख्ने प्रयास गर्दै 

काठमाडौँ  । विश्वका कान्छा पत्रकार सुजन आचार्यले टेलिभिजन इतिहासमा अर्को नयाँ कीर्तिमान राख्ने प्रयास गरेका छन् ।  विश्व टेलिभिजन प्रसारण कै इतिहासमा सबैभन्दा लामो टेलिभिजन म्याराथुन टक शो गरि विश्व कीर्तिमान