- २०८१ बैशाख ८ शनिबार
काठमाडौँ । आर्सनलले प्रि सिजन अगाडी खेलिने कम्युनिटी सिल्डमा कब्जा गरेको छ । निर्धारित समयको खेल १–१ गोलको बराबरीमा सकिएपछि पेनाल्टी सुटआउटमा चेल्सीलाई ४–१ गोल अन्तरले हराएर आर्सनलले कम्युनिटी शिल्डको उपाधि जितेको छ ।
खेलमा चेल्सीका लागि पहिलो गोल भिक्टोर मोसेसले खेलको ४६औँ मिनेटमा गरेका थिए । खेलको ८०औँ मिनेटमा चेल्सीका पेड्रोले रातो कार्ड पाएर मैदानबाट बाहिरिएका थिए । खेलको अन्त्यमा आर्सनल खेलमा फर्कियो । आर्सनलका सिड कोलासिनाकले खेलको ८२औ मिनेटमा गोल फर्काएर खेल १-१ को बराबरीमा ल्याएका थिए ।
त्यसपछि भएको पेनाल्टी सुटआउटमा चेल्सीका लागि रियल म्याड्रिडबाट चेल्सीमा अनुबन्धित भएका अल्भारो मोराटाले गोल गर्न सकेनन् भने गोल किपर कोर्टोइसले पनि पेनाल्टी मिस गरेका थिए । चेल्सीबाट एकमात्र पेनाल्टी ग्यारेथ काहिलले गोलमा परिणत गरेका थिए । आर्सनलबाट भने थियो वाल्कट, नाचो मोरियल र च्याम्बेर्लिनले गोल गरेका थिए ।
योसँगै आर्सनलले आफ्नो १६औ कम्युनिटी सिल्ड जितेको छ ।
