नेमकिपाले तोक्यो सातवटै प्रदेशमा संयोजक

खरीबोट

फाइल तस्बिर

भक्तपुर । नेपाल मजदुर किसान पार्टीको आजको २७ आँैं केन्द्रीय परिषद् बैठकले स्थानीय तहको पहिलो र दोस्रो चरणको निर्वाचनको समीक्षा गर्नाका साथै सचिव सुवालले प्रस्तुत गरेको राजनीतिक प्रतिवेदन सुझावसहित पारित गरेको छ । 

पार्टी अध्यक्ष नारायणमान बिजुक्छेको अध्यक्षतामा शुक्रबारदेखि शुरु भएको बैठकले नेपाली काँग्रेस, नेकपा (एमाले, नेकपा(माओवादी केन्द्र)लगायतले निर्वाचनमा आचारसंहिता उल्लंघन गरी झुटा आश्वासन दिने, भोजभतेर खुवाउने, सामान र पैसा वितरण गरेको आरोप लगाएको छ । 

बैठकले समाजवादी आन्दोलन र देशभक्तिपूर्ण संघर्ष चालु राख्ने लगायत १३ बुँदे निर्णय गरेको सुवालले बताए । सोअनुसार व्यवस्थापिका–संसद्मा प्रस्तुत संविधानको दोस्रो संशोधन प्रस्ताव नेपाली जनताको हितविपरीत ‘भारतीय विस्तारवाद र एकाधिकार पँुजीवादको हितमा रहेको’ भन्दै पार्टीले प्रस्ताव फिर्ताका लागि सरकारलाई दबाब दिन जिल्ला जिल्लामा विभिन्न गतिविधि गरिनेछ । 

बैठकले संसद्मा विचाराधीन निर्वाचनसम्बन्धी ऐनमा व्यवस्था गरिएको मतसीमा को प्रावधान गणतन्त्रविरोधी तथा प्रतिगामी भएको ठहर समेत गरेको छ । त्यसैगरी प्रदेश नं २ मा आगामी असोज २ गते हुने स्थानीय तह तथा प्रदेशसभा र प्रतिनिधि सभाको निर्वाचनको निर्वाचनलाई पार्टीले उपयोग गर्ने निर्णय गर्नाका साथै सातै प्रदेशमा संयोजक तोकेको छ । 

सोअनुसार प्रदेश नंं १ देखि ७ सम्म क्रमशः नरेन्द्र होमागाईं, दिनेश शाह, प्रेम सुवाल, नीरज लवजू, हरिसुन्दर वासी, सुनिल प्रजापति र बजीरसिंह विक संयोजक रहेका छन् । रासस 

सम्बन्धित समाचार

भक्तपुर–१ मा नेमकिपाका सुवाल विजयी

भक्तपुर । भक्तपुर क्षेत्र नं १ प्रतिनिधिसभा सदस्य पदमा नेपाल मजदुर किसान पार्टीका प्रेम सुवाल विजयी भएका छन्।  सुवालले ३३ हजार ०७६ मत प्राप्त गर्नुभयो । उहाँका निकटतम प्रतिद्वन्द्वी नेपाली काँग्रेसका

भोलाछेंमा एमाले र नेमकिपाबीच झडप

भक्तपुर । प्रतिनिधिसभा क्षेत्र नं १ अन्तर्गत भक्तपुर नगरपालिका–६ भोलाछेंमा नेपाल मजदुर किसान पार्टी र नेकपा एमालेका कार्यकर्ताबीच झडप भएको छ । झडपमा पूर्ववडाध्यक्ष कृष्णराम थुसा, प्रकाश थुसा, केशव सत्ता, चन्द्रकेशरी

भक्तपुरमा नेमकिपाको किल्ला भत्काउन गठबन्धनको कसरत, नेमकिपा भन्छ–प्रतिस्पर्धी नै छैनन्

भक्तपुर  ।  नेपाल मजदुर किसान पार्टीका अध्यक्ष नारायणमान बिजुक्छेले यसपटकको निर्वाचनमा उम्मेदवारी नदिएपछि चर्चामा पुगेको भक्तपुर क्षेत्र नं १ मा नेमकिपाको किल्ला भत्काउने कसरतमा गठबन्धन लागेको छ ।  बलियो आधार किल्लाका रुपमा

ढुङ्गानाद्वारा निर्वाचनमा सहयोग गर्न नेमकिपालाई आग्रह

नगरकोट । नेपाली काँग्रेस भक्तपुर निर्वाचन क्षेत्र नं २ प्रतिनिधिसभाका उम्मेदवार दमननाथ ढुङ्गानाले नेपाल मजदुर किसान पार्टीसँग मंसिर २१ गते हुने प्रतिनिधि र प्रदेशसभाको निर्वाचनमा आफूलाई सहयोग गर्न आग्रह गरेका