गौचनको हत्यारा नपक्रिएकामा महासंघको आपत्ति

खरीबोट

काठमाडौँ । नेपाल निर्माण व्यवसायी महासंघका पूर्वअध्यक्ष शरदकुमार गौचनको राजधानीमै गोली हानी हत्या गरिएको २५ दिन पूरा भइसक्दा पनि हत्यामा संलग्न व्यक्ति पक्राउ नपरेको भन्दै महासंघले आक्रोश व्यक्त गरेको छ । 

महासंघले आज राजधानीमा पत्रकार सम्मेलन गरी निरन्तरको आन्दोलन तथा दबाबका बाबजुद हत्यारा पत्ता लगाई सार्वजनिक गर्न राज्यले गरिरहेको ढिलाइप्रति खेदसमेत व्यक्त गरेको छ ।

गौचनको हत्यापछि पनि अन्य निर्माण व्यवसायीलाई लगातार धम्की आउने क्रम अझै जारी रहेको भन्दै महासंघले सुरक्षाको पूर्ण प्रत्याभूति दिन सरकारसँग माग गरेको छ । 

पत्रकार सम्मेलनमा महासंघका अध्यक्ष विष्णुभाइ श्रेष्ठले व्यवसायीले निर्धक्क भएर व्यवसाय गर्न पाउने वातावरण सिर्जना गर्नु राज्यको दायित्व भएको बताए । 

महासंघका पूर्वअध्यक्ष जयराम लामिछानेले गौचनको हत्यारालाई राजनीतिक संरक्षण दिइएको आशंका भएकाले सरकारले सत्यतथ्य यथाशक्य छिटो सार्वजनिक गर्नुपर्ने माग गरे । 

महासंघका प्रवक्ता विष्णु बुढाथोकीले महासंघको संयमतालाई कमजोरी नठान्न सरकारलाई सचेत गर्दै गौचनका हत्यारा फरार भएबाट सिंगो निजी क्षेत्र आतंकित भएको बताए ।

सम्बन्धित समाचार

विदेशबाट फर्केका कामदारलाई तालीम

काठमाडौँ । विदेशबाट श्रम गरेर नेपाल फर्केका कामदारलाई आल्मुनियम फेब्रिकेटर र इलेक्ट्रिसियन पुनर्ताजगी तालीम दिइएको छ ।  अन्तर्राष्ट्रिय श्रम संगठनको आर्थिक सहयोगमा नेपाल निर्माण व्यवसायी महासंघको आयोजना र इन्द्रेणी पोलिटेक्निक इन्स्टिच्युटको

निर्माण व्यवसायीलाई सुरक्षाको पूर्ण प्रत्याभूति दिन सरकारसँग अनुरोध

काठमाडौँ   नेपाल निर्माण व्यवसायी महासंघका तत्कालीन अध्यक्ष शरदकुमार गौचनको हत्यामा संलग्न मुख्य योजनाकार पक्राउ गर्न माग गरिएको छ ।  हत्यामा संलग्न पाँच जनालाई प्रहरीले पक्राउ गरी मंगलबार सार्वजनिक गरेकामा महासंघले नेपाल

यसरी भएको थियो निर्माण व्यवसायी गौचनको हत्या

काठमाडौँ । गत असोज २३ गते दिउँसो व्यस्त काठमाडौंमा गोली चलेको समाचार सार्वजनिक भयो । त्यसको केही क्षणमै नेपाल निर्माण व्यवसायी संघका अध्यक्ष शरदकुमार गौचनमाथि गोली प्रहार भएको र उनलाई

निर्माण व्यवसायी महासंघका अध्यक्षमा श्रेष्ठ

काठमाडौँ ।  नेपाल निर्माण व्यवसायी महासंघका अध्यक्षमा विष्णुभाई श्रेष्ठ पदस्थापन भएका छन् ।   गत असोज २३ गते अध्यक्ष शरदकुमार गौचनको गोली हानी हत्या भएपछि सो पदमा वरिष्ठ उपाध्यक्ष श्रेष्ठलाई अध्यक्षमा पदस्थापन गरिएको हो ।