बलिवुड अभिनेता शाहरुख खानको फिल्म जब हेरी मेट सेजलले पहिलो दिन शुक्रबार भारतीय बक्स अफिसमा १६.५ करोड भारतीय रुपैयाको कारोबार गरेको छ ।
फिल्मलाई विश्लेषकहरुले औसत फिल्म बताएका छन् । शाहरुख खानका अलावा अभिनेत्री अनुष्का शर्माले अभिनय गरेको यो फिल्मलाई इम्तियाज अलिले निर्देशन गरेका हुन् ।
पहिलो दिनको व्यापार हेर्दा फिल्मले त्यति राम्रो व्यापार गर्न नसक्ने अनुमान फिल्म समिक्षकहरुको रहेको छ । भारतभर कुल ३२ सय स्क्रिनमा रिलिज गरिएको यो फिल्ममा ४० देखि ५० प्रतिशत मात्र दर्शकको अकुपेन्सी रहेको भारतीय मिडियाहरुले उल्लेख गरेका छन् । अ
र्को हप्ता अक्षयकुमारको फिल्म ट्वाइलेट एक प्रेम कथा रिलिज हुने हुनाले पनि शाहरुख खानको यो फिल्मको व्यापार कम हुने अनुमान गरिएको हो ।