कांग्रेसभित्र उम्मेदवार छान्न सकस, एक सिटमा दर्जनौको सिफारिस  

खरीबोट

काठमाडौँ ।  कांग्रेस भित्र धेरै उम्मेदवार आकांक्षी भएपछि संसदीय बोर्डलाई उम्मेदवार छान्न समस्यामा परेको छ ।

विधानविपरीत बुधबार कांग्रेस सभापति तथा प्रधानमन्त्री शेरबहादुर देउवाले जम्बो संसदीय बोर्ड गठन गरेपछि बिहीबार औपचारिक बैठक बसेको थियो । तीन दिनभित्र समानुपातिकको बन्दसूची बुझाउनुपर्ने भए पनि पहिलो बैठक नै अलमलमा परेको छ । समानुपातिकतर्फ एउटै क्षेत्रीय समितिबाट ४० जनाको सम्म सिफारिस आएपछि समिति अलमलिएको हो ।

समितिमा रहेका नेताहरुले एक गुइ जनाको नाम भए सजिलो हुने थियो तर याँहा त दर्जनौ नाम छन् कसलाई राख्ने कसलाई फाल्ने भन्दै पहिलो बैठकमा अलमल भएको हो । 
कांग्रेसले प्रदेश र केन्द्रका लागि समावेशी कोटामा पनि लोकप्रिय र प्रभावशालीलाई नै सकेसम्म समेट्ने तयारी गरेको बताइएको छ । 

सभापति शेरबहादुर देउवाले बुधबार १७ सदस्यीय समिति गठन गरेका थिए । तर, कांग्रेसको विधानको दफा ३१ ले १५ जनाको समिति गठन गर्ने उल्लेख गरे पनि सभापति देउवाले विधान मिच्दै १७ सदस्यीय समिति गठन गरेका हुन् । सबै गुटलाई समेट्नसभापतिले विधान विपरित बोर्ड गठन गरेको बताइएको छ ।

कांग्रेसले २८ गतेसम्म उम्मेदवार टुंग्याउने गरी छलफल केन्द्रित गरेको जनाएको छ । यता वाम गठबन्धनलाई काउन्टर दिन बनेको लोकतन्त्रिक गठबन्धनको कार्यदलको औपचारिक बैठक भने अझै बसेको छैन ।

गठबन्धनमा पनि राजपा र संघीय समाजवादी फोरमले प्रतिनिधिसभामा ५५ र प्रदेश सभामा १३१ सिट दाबी गरेको छ । कांग्रेस राजपा र समाजवादीलाई २ नम्बर प्रदेशमा बढीमा ५० प्रतिशत सिटसम्म दिन तयार भए पनि अन्य ठाउँमा यति हाराहारीमा दिन तयार नभएको बताइएको छ ।

अन्य दल राप्रपा, राप्रपा प्रजातान्त्रिकले पनि आफ्नो दलको साइज भन्दा बढी सिट मागिरहेको बताइएको छ । 
 

सम्बन्धित समाचार

हरिबोल भट्टराईको नेतृत्वमा नेपाली काँग्रेस (बिपी) गठन

काठमाडौँ ।  नेपाली काँग्रेसका नेता हरिबोल भट्टराईको नेतृत्वमा नेपाली काँग्रेस (बिपी) नामक नयाँ पार्टीको घोषणा गरिएको छ ।  नवगठित पार्टीको उपसभापतिमा झलकनाथ वाग्ले, महामन्त्रीद्वय हरिशंकर मिश्र र सुशीलमान शेरचन, महामन्त्रीमा पुष्प पराजुली र

काँग्रेसले भक्तपुरमा राप्रपा (प्रजातान्त्रिक) सँग तालमेल गर्ने

भक्तपुर ।  आगामी मंसिर १० र २१ गते हुने प्रतिनिधिसभा र प्रदेशसभा निर्वाचनमा भक्तपुरमा नेपाली काँग्रेस र राप्रपा (प्रजातान्त्रिक) बीच तालमेल हुने भएको छ ।  काँग्रेस भक्तपुरका सभापति दुर्लभ थापाले आज सञ्चारकर्मीसँग यसबारेमा

कांग्रेसका शिर्ष नेताहरु को कँहाबाट चुनाव लड्दैछन् ?

काठमाडौं– नेपाली काग्रेसका शीर्ष नेताहरुले पुरानै ठाउँबाट चुनाव लड्ने भएका छन् । कांग्रेस सभापति शेरबहादुर देउवा, बरिष्ठ नेता रामचन्द्र पौडेल, महामन्त्री शशांक कोइराला,  प्रकाशमान सिंह, शेखर कोइराला लगायत अधिकांश नेताहरुले

उच्च मनोबलका साथ निर्वाचनमा होमिनुपर्छ : महेश आचार्य

विराटनगर । नेपाली काँग्रेसका केन्द्रीय सदस्य महेश आचार्यले उच्च मनोबलका साथ निर्वाचनमा सहभागी हुन पार्टीका कार्यकर्ताहरुलाई निर्देशन दिएका छन्  ।  सो पार्टीका भ्रातृ एवम् भङ्गिनी सङ्गठनद्वारा आज विराटनगरस्थित पार्टी कार्यालयमा दीपावली, छठ तथा नेपाल