रसिया विश्वकप गुमाएका स्टार फुटबलर 

खरीबोट
ad

काठमाडौँ । सन् २०१८ मा रसियामा हुने विश्वकप फुटबलको छनौट चरणका खेलहरु सकिएर अब प्ले अफका खेल हुन् बाँकी छन् ।

रोनाल्डो र मेसी विनाको विश्वकप हुन्छ की भन्ने अड्कल बाजी र आशंका पनि गएराती तोडिएको छ । पोर्चुगल र अर्जेन्टिना दुवै विश्वकपका लागि छनौट भएर रसिया विश्वकपमा रोनाल्डो र मेसीले उपस्थिति जनाउने पक्का गरेका छन् । तर यसैबीच विश्व फुटबलका राम्रा र उत्कृष्ट केहि खेलाडीहरुले भने रसियामा हुने विश्वकप गुमाएका छन् । 

रियल म्याड्रिडबाट खेल्ने वेल्सका स्टार फुटबलर ग्यारेथ बेल पनि रसियामा हुने विश्वकप गुमाउने चर्चित खेलाडी मध्ये एक हुन् । बेलको देश वेल्स विश्वकपमा छनौट हुन् असफल भयो । वेल्स छनौट खेलको अन्तिम खेलमा आयरल्याण्डसँग पराजित भएपछि विश्वकपमा छनौट हुन् असफल भएको थियो । बेल भने घाइते भएका कारण सो खेलमा अनुपस्थित थिए ।

रसिया विश्वकप गुमाउने अर्का चर्चित खेलाडी हुन् एलेक्सिस सान्चेज । आर्सनलबाट व्यावसायिक फुटबल खेल्ने सान्चेजको देश चिली पनि विश्वकपमा छनौट हुन् असफल भएको छ ।

बुधबार बिहान भएको खेलमा ब्राजिलसँग ३-० ले पराजित भएपछि चिलीको विश्वकपमा छनौट हुने अवसर गुमेको हो । यस अघि ९ पटक विश्वकप खेलेको चिली यस पटक छनौट हुन् असफल भएको छ । चिली २०१५ र २०१६ को दक्षिण अमेरिकी च्याम्पियन पनि हो ।

बायर्न मुनिखबाट व्यावसायिक फुटबल खेल्ने आर्जेन रोबिन पनि रसिया विश्वकपमा नदेखिने भएका छन् । सन् २०१० विश्वकपको फाइनल र २०१४ को सेमिफाइनलमा पुगेको नेदरल्याण्डले विश्वकपमा छनौट हुन् असफल भएपछि रोबेनलाई रसिया विश्वकपमा देख्न नपाइने भएको हो । अन्तिम खेलमा स्विडेनलाई २-० ले पराजित गरेपनि विश्वकपमा ठाउ बनाउन नेदरल्याण्ड असफल भएको थियो ।

त्यस्तै बोस्निया हर्ज्गोबिनाका इडेन डेज्को, लेस्टर सिटीका रियाद महरेज, चिलीका अर्टुरो भिडाललाई पनि रसियामा हुने विश्वकपमा देख्न नपाइने भएको छ ।    
 

सम्बन्धित समाचार

विश्वकपमा ब्राजिलको मध्यम सरुवात, स्विटजरल्याण्डले बराबरीमा रोक्यो 

काठमाडौँ । विश्वकप फुटबल अन्तर्गत समुह इ अन्तर्गत ब्राजिल र स्विटजरल्याण्डबीचको खेल बराबरीमा सकिएको छ ।  आइतबार राति भएको खेलमा ब्राजिल र स्विटजरल्याण्ड १-१ गोलको बराबरी खेलेका हुन् । ब्राजिलका लागि

डिफेन्डिङ च्याम्पियन जर्मनी मेक्सिकोसँग पराजित, हिर्भीङ लोजानोले गरे गोल  

काठमाडौँ । विश्वकप फुटबल अन्तर्गत समुह एफ मा मेक्सिकोले डिफेन्डिङ च्याम्पियन जर्मनीलाई पराजित गरेको छ । आइतबार भएको खेलमा मेक्सिकोले जर्मनीलाई १-० गोल अन्तरले पराजित गरेको छ । मेक्सिकोले जर्मनीलाई १९८५

सर्बियाद्वारा कोष्टारिका पराजित, कोलारोभले गरे फ्री-किक मार्फत गोल

काठमाडौँ । विश्वकप फुटबल अर्न्तगत आइतबार भएको खेलमा सर्बियाले कोष्टारिकालाई पराजित गरेको छ । समुह इ अन्तर्गत आइतबार भएको खेलमा सर्बियाले १-० गोल अन्तरले पराजित गरेको हो । सर्बियाको जितमा खेलको

विश्वकप प्रिभ्यु : डिफेन्डिङ च्याम्पियन जर्मनी आज मेक्सिकोसँग भिड्दै 

काठमाडौँ । विश्वकपको समुह एफमा रहेको डिफेन्डिङ च्याम्पियन जर्मनीले आज यस विश्वकपको आफ्नो पहिलो खेल मेक्सिकोविरुद्ध खेल्दै छ । नेपाली समय अनुसार ८:४५ मा हुने यो खेल निकै रोचक हुने