टिकट वितरण गर्न काँग्रेस संसदीय समिति गठन

खरीबोट

काठमाडौँ ।  प्रमुख सत्तारुढ दल नेपाली काँग्रेसले आसन्न प्रतिनिधि सभा र प्रदेश सभा निर्वाचनमा पार्टीका तर्फबाट उम्मेदवार चयन गर्न संसदीय समिति गठन गरेको छ । 

प्रधानमन्त्री एवं पार्टी सभापति शेरबहादुर देउवाले पार्टीका वरिष्ठ नेतालगायतसँग आवश्यक परामर्श गरी आज संसदीय समिति गठन गर्नुभएको नेता विमलेन्द्र निधिले जानकारी दिनुभयो । यद्यपि, समितिमा रहेका नाम भने सार्वजनिक गरिएको छैन । 

यही असोज २० गते बसेको पार्टीको केन्द्रीय समिति बैठकले प्रतिनिधि सभा र प्रदेश सभाका लागि उम्मेदवार चयन गर्न पार्टीका वरिष्ठ नेतालगायतसँग आवश्यक परामर्श गरी संसदीय समिति गठन गर्न पार्टी सभापतिलाई अधिकार दिने निर्णय गरेको थियो । 

केन्द्रीय समिति बैठकले यही आश्विन २७ गतेभित्र प्रदेश सभा र प्रतिनिधि सभाका प्रत्यक्ष तथा समानुपातिक तर्फका सबै उम्मेदवारहरुको नाम टुंगो लगाइसक्ने निर्णय समेत गरेको थियो । 

पार्टीको विधानको दफा ३१ मा केन्द्रीय समितिले आफूमध्येबाट एक संसदीय समिति गठन गर्न सक्ने प्रावधान छ । विधानतः समितिमा सभापति, महामन्त्री, कोषाध्यक्ष र सहमहामन्त्री पदेन सदस्य हुन्छन् भने केन्द्रीय समितिले बढीमा आठ जनासम्म सदस्य चयन गर्न सक्ने प्रावधान छ । 

समितिलाई पार्टीका तर्फबाट संसदको निर्वाचनमा उम्मेदवार चयन गर्ने र केन्द्रीय समितिमा पेश गर्ने अधिकार तोकिएको छ । 

सम्बन्धित समाचार

भारतीय काँग्रेस पार्टीको अध्यक्षमा राहुल गान्धी निर्वाचित

नयाँदिल्ली ।  भारतको प्रमुख प्रतिपक्षी दल भारतीय काँग्रेस पार्टीको अध्यक्षमा राहुल गान्धी मनोनित भएका छन्  ।  पुर्वानुमान अनुसार नै उनी अध्यक्षमा मनोनित हुनुभएको घटनालाई ऐतिहासिक घटनाको रुपमा लिइएको भारतीय सञ्चार माध्यमहरुले जनाएका छन् ।  पार्टीका

समानुपातिक तर्फ यस्तो छ पछिल्लो मत परिणाम, एमाले-काँग्रेसबीच प्रतिष्पर्धा

काठमाडौं । प्रत्यक्ष तर्फको निर्वाचन सकिएका निर्वाचन क्षेत्रहरुमा समानुपातिकतर्फको मतगणना भइरहेको छ ।  हाल भइरहेको मतणनाको प्रारम्भिक नतिजा अनुसार एमाले र काँग्रेसबीच कडा प्रतिष्पर्धा भैरहेको छ ।  पछिल्लो मत परिणाम अनुसार

समानुपातिकमा एमाले-काँग्रेसबीच प्रतिष्पर्धा, यस्तो छ पछिल्लो मत परिणाम 

काठमाडौं । प्रत्यक्ष तर्फको निर्वाचन सकिएका निर्वाचन क्षेत्रहरुमा समानुपातिकतर्फको मतगणना भइरहेको छ ।  हाल भइरहेको मतणनाको प्रारम्भिक नतिजा अनुसार एमाले र काँग्रेसबीच कडा प्रतिष्पर्धा भैरहेको छ ।  पछिल्लो मत परिणाम अनुसार

कांग्रेस नेता रमेश लेखक एमालेका भट्टभन्दा ४७ मतले मात्रै पछाडि

कञ्चनपुर / कञ्चनपुरको प्रतिनिधि सभा निर्वाचन क्षेत्र ३ मा कांग्रेस नेता रमेश लेखक ४७ मतले मात्रै पछाडि परेका छन् । ताजा मतपरिणामअनुसार रमेश लेखकले २१ हजार ९ सय २८ मत प्राप्त