काठमाडौं । एशियन फुटबल कन्फेडेरेसनका अध्यक्ष शेख सलमान बिन इब्राहिम अल खलिफा नेपालको दुई दिने भ्रमणमा काठमाडौँ आएका छन् ।
शेख सलमानलाई त्रिभुवन अन्तर्राष्ट्रिय विमानस्थलमा एन्फाका अध्यक्ष नरेन्द्र श्रेष्ठ, वरिष्ठ उपाध्यक्ष मणि कुवर, महासहिव धिरेन्द्र प्रधान र एन्फाका प्रमुख कार्यकारी अधिकृत इन्द्रमान तुलाधर सहित एन्फाका अन्य सदस्यले स्वागत गरेका थिए ।
भारतमा सुरु भएको फिफा अन्डर १७ विश्वकपको उद्घाटन पछि शेख नेपाल भ्रमणमा आएका हुन् । नेपाल भ्रमणको क्रममा नेपालको फुटबल बिकास, एएफसी र एन्फाको सम्बन्ध विकासका विषयमा छलफल हुने बताइएको छ ।
साथै यस भ्रमणबाट एसियन सदस्य राष्ट्रहरुका बीचको सम्बन्ध विकास र फुटबलको विकासमा देखिएका चुनातीहरुको विषयमा छलफल हुने बताइएको छ । शेखले नेपालको भ्रमणपछि भुटानको पनि भ्रमण गर्ने एएफसीले जनाएको छ ।