रजनीकान्तको फिल्मको अडियो लन्चमा खर्च हुने भो १२ करोड ! 

खरीबोट

मुम्बई । बलिवुडमा फिल्म निर्माणमा पछिल्लो समय निकै पैसा खर्च गर्न थालिएको छ । बाहुबलीको दुई भाग निर्माणमा लगभग ५ सय करोड खर्च भएको फिल्मका निर्माताले बताएका थिए । अहिले रजनीकान्त र अक्षयकुमार अभिनित फिल्म २.० को कुल लागत ४ सय करोड रहेको बताइएको छ ।

तर अहिले रजनी र अक्षयको यस फिल्मको अडियो लन्चको समाचारले बलिवुडलाई तरंगित बनाएको छ ।  

दुबईमा गर्न लागिएको यस फिल्मको अडियो लन्चको कुल खर्च १२ करोड रहेको बताइएको छ, जुन अक्षयकुमारको हालै रिलिज भएको फिल्म ट्वाइलेट एक प्रेम कथा निर्माणको कुल बजेट हो ।

बलिवुडमा कुनै फिल्मको अडियो लन्चमा यति पैसा अहिलेसम्म खर्च गरिएको थिएन । अक्टोबर २७ मा गर्न लागिएको यो कार्यक्रममा फिल्मका सबै कलाकारलाई चार्टर प्लेनबाट दुबई लैजान लागिएको छ । मुम्बई चेन्नई र भारतका अन्य शहरबाट प्लेन चार्टर गरेर दुबई लैजान लागिएको भारतीय मिडियाहरुले उल्लेख गरेका छन् ।

आगामी जनवरी २५ मा रिलिज हुने यस फिल्मलाई बलिवुडको महत्वाकांक्षी फिल्म रहेको बताइएको छ ।

बाहुबली पछि यस फिल्मलाई दर्शकले व्यग्र प्रतिक्षा गरिरहेका छन् । यस फिल्ममा अक्षयकुमार भिलेनको भूमिकामा रहेका छन् ।

सम्बन्धित समाचार

अक्षय कुमार र रजनीकान्तलाई कंगना र टाइगरको 'काउन्टर'

बलिउड / बहुप्रतीक्षित फिल्म २.० को प्रदर्शन मिति यसअघि नै सार्वजनिक भइसकेको छ । २.० अप्रिल महिनाको २७ तारिखका दिन हलमा लाग्ने भएको भारतीय चलचित्र क्षेत्रका एक व्यापार विश्लेषक तारन

रजनीकान्त र अक्षयकुमारको फिल्म २.० अप्रिलमा मात्रै आउने

मुम्बई । तामिलनाडु राज्यका जनताले भगवानकै स्वरुप मान्ने  अभिनेता रजनीकान्त र अक्षयकुमारको फिल्म २.० नयाँवर्षमा नआउने भएको छ । उक्त फिल्म अप्रिलमा मात्रै रिलिज हुने भएको भारतीय मिडियाले जनाएका छन् ।

रजनीकान्तको फिल्मको अडियो लन्चमा खर्च हुने भो १२ करोड ! 

मुम्बई । बलिवुडमा फिल्म निर्माणमा पछिल्लो समय निकै पैसा खर्च गर्न थालिएको छ । बाहुबलीको दुई भाग निर्माणमा लगभग ५ सय करोड खर्च भएको फिल्मका निर्माताले बताएका थिए । अहिले