काठमाडौँ । निर्माण व्यवसायी महासंघका अध्यक्ष शरदकुमार गौचनको गोली हानी हत्या भएको विरोधमा निर्माण व्यवसायी र उनका आफन्तहरुले माइतीघर–तीनकुने सडकखण्ड अवरोध गरेका छन् ।
उनीहरुले हत्यारा पक्राउ गरी कारबाही गर्नुपर्ने माग राख्दै नाराबाजी गरिरहेका छन् ।
अध्यक्ष गौचनको आज दिउँसो काठमाडौंको शान्तिनगरस्थित ओमशान्ति चोकमा गोली हानी हत्या भएको थियो । गोली प्रहारलगत्तै उनलाई उपचारको लागि बानेश्वरस्थित सिभिल अस्पताल लगिएको भएपनि अस्पताल पुगे लगत्तै चिकित्सकले उनलाई मृत घोषित गरेका थिए ।
चिकित्सकका अनुसार उनको शरीरमा तीन गोली लागेको थियो । गौचनलाई गाडी बाहिरबाट गोली हानिएको थियो । गोलीले गाडीको सिसा छेडेर लागेको गौचनलाई लागेको थियो ।