बिटक्वाइन व्यवसाय सञ्चालन गर्ने सात पक्राउ

खरीबोट
ad

काठमाडौँ । नेपाल प्रहरीको केन्द्रीय अनुसन्धान ब्युरोले बिटक्वाइन नेटवर्किङ व्यवसाय सञ्चालन गरेको आरोपमा सातजनालाई पक्राउ गरेको छ । 

ब्युरोबाट खटिएको टोलीले बिटक्वाइन व्यवसाय सञ्चालन गरेको आरोपमा बुधबार काठमाडौँ र चितवनका विभिन्न स्थानबाट सातजनालाई पक्राउ गरेको हो । 

पक्राउपर्नेमा सिन्धुलीका ज्ञानप्रसाद पौडेल, अर्घाखाँचीका माधव खनाल, काठमाडौँका प्रशान्तप्रताप शाह, नुवाकोटका बिन्दा ढकाल, सिन्धुपाल्चोकका मिङमार तामाङ, ललितपुरका दमन बस्नेत र रुपन्देहीका मनिषकुमार गिरी रहेका छन् । 

ब्युरोले आज पत्रकार सम्मेलन गरी बिटक्वाइनको व्यापार नेपालमा बन्देज गरेको अवस्थामा पैसा कमाउने नाममा अवैध व्यापार गरेकाले पक्राउ गरिएको जानकारी दिएको छ । 

सम्मेलनमा ब्युरोका प्रमुख पुस्कर कार्कीले नेपाल राष्ट्र बैंक ऐन, २०५८ को बर्खिलाप हुनेगरी बैंकको निर्देशनविपरीत गैरकानुनीरुपमा उक्त व्यवसाय सञ्चालन गरेको विशेष सूचनाका आधारमा पक्राउ गरिएको बताए । “राज्यलाई आम्दानी हुने राजश्वमा यस्तो व्यवसायले घाटा पु¥याउँछ”– प्रमुख कार्कीले भने । 

पक्राउ परेकालाई आजै काठमाडौँ जिल्ला अदालतबाट म्याद थप लिई अनुसन्धान कार्यको थालनी गरिसकिएको पत्रकार सम्मेलनमा प्रमुख कार्कीले बताउनुभयो । बिटक्वाइन व्यवसायमा संलग्न व्यक्तिलाई ब्युरोले पहिलोपटक नियन्त्रणमा लिएको हो । 

बिटक्वाइन व्यवसाय के हो ? 

बिटक्वाइन व्यवसाय एकप्रकारको नेटवर्किङ व्यवसाय हो जुन व्यवसायमा सामाजिक सञ्जाल विशेषगरी इमेल, इन्टरनेट, फेसबुकमार्फत पैसाको कारोबार गरिन्छ । यो एक विश्वव्यापी डिजिटल भुक्तानी प्रणाली हो । यो भर्चुअल पैसा हो । 

यस्तो व्यवसायमा लाग्ने गिरोहले नेटवर्कका माध्यमबाट बिटक्वाइनको कारोबार गर्ने गर्दछन् । यसरी गैरबैंकिंङ  प्रणालीबाट व्यवसाय गर्दा राज्यको राजश्वमा कमी हुन गई देशको अर्थतन्त्र नै धरासायी हुने अवस्था आउँछ । 

बिटक्वाइन व्यवसाय नेपालमा सन् २०१३ देखि भित्रिएको र हालसम्म ८÷१० लाख डलरसम्मको कारोबार भइसकेको प्रहरीले जनाएको छ । 

बिटक्वाइन व्यवसायमा दोषी ठहरिए बिगो जफत गरी बिगोको तीनगुणा जरिवाना वा तीन वर्ष कैद वा दुवै सजाय हुने कानूनी प्रावधान रहेको छ । 

सम्बन्धित समाचार

अख्तियारद्वारा कपिलवस्तुका सहायक वन अधिकृत तीन लाख घुससहित पक्राउ

कपिलवस्तु । कपिलवस्तुको इलाका वन कार्यालय जवाबैराठका सहायक बन अधिकृत ब्रह्मदेव महतोलाई रु तीन लाख रकमसहित आज अख्तियार दुरुपयोग अनुसन्धान आयोगले पक्राउ गरेको छ । महतोलाई अख्तियारले चन्द्रौटास्थित निजको डेराबाट तीन

विद्युत् चोरीको आरोपमा वडा अध्यक्षसहित २१ जना पक्राउ

राजविराज । सप्तरीमा जारी रहेको विद्युत् हुकिङ नियन्त्रण अभियानअन्तर्गत तिरुहत गाउँपालिकाबाट वडा अध्यक्षसहित २१ जनालाई आज पक्राउ गरिएको छ ।  जिल्ला प्रहरी कार्यालय, सप्तरी र नेपाल विद्युत् प्राधिकरण वितरण केन्द्र राजविराजको संयुक्त

रकम ठगी गरेर फरार रहेका सहकारीका अध्यक्ष पक्राउ

धनकुटा । रकम हिनामिना गरी फरार रहेका सहयात्री कृषि सहकारी संस्था अध्यक्ष तिलकबहादुर यसमालीलाई एक वर्षपछि प्रहरीले पक्राउ गरेको छ ।  धनकुटा नगरपालिका–७ हुलाक टोलमा रहेको सहयात्री कृषि सहकारी लिमिटेड संस्थाले ऋण तथा

ज्वाइँको हत्या गर्ने ससुरासहित तीनजना पक्राउ

राजविराज । सप्तरीको राजविराजमा कुटपीट गरेर एक युवकको हत्या गरेको आरोपमा सप्तरी प्रहरीले युवकका ससुरासहित तीनजनालाई विहीबार पक्राउ गरेको छ ।  पक्राउ पर्नेमा राजविराज नगरपालिका–९, मलेठ निवासी रामदयाल साह, उनका २५ वर्षीय छोरा