काठमाडौँ । स्पेनिस ला लिगामा बार्सिलोनाले गिरोनालाई पराजित गरेको छ ।
गएराती भएको खेलमा बार्सिलोनाले दुई आत्मघाती गोल र लुइस स्वरेजको गोलबाट गिरोनमाथि ३-० को जित हासिल गरेको छ । यो जितसंगै बार्सिलोनाले ला लिगामा खेलेका ६ वटै खेलमा जित हासिल गरेको छ ।
बार्सिलोनाका लागि लुइस स्वरेजले सयौ खेल खेल्दै बार्सिलोनाका लागि खेलको तेस्रो गोल गरेका थिए । स्वरेजले ला लिगमा खेलेका एक सय खेलमा ८७ गोल गरेका छन् ।
यस सिजनमा बार्सिलोनाका लागि लियोनेल मेसीले ९ गोल गरेका छन् भने बार्सिलोनाको पक्षमा आत्मघाती गोल ३ भएको छ ।
त्यस्तै गएराती नै भएको खेलमा रियल म्याड्रिडले डिपोर्टिभो अल्भिजलाई २-१ गोल अन्तरले पराजित गरेको छ । रियलको जितमा डानी सेल्बालोसले दुई गोल गरेका थिए ।
शनिबारको खेलपछि बार्सिलोना ६ खेलमा ६ खेल नै जित्दै १८ अंक सहित लिगको शिर्ष स्थानमा रहेको छ भने रियल म्याड्रिड ६ खेलमा ३ जित, २ बराबरी र एक हार सहित ११ अंकसहित लिगको चौथो स्थानमा रहेको छ ।