- २०८१ बैशाख ८ शनिबार
काठमाडौँ । इङलिश प्रिमियर लिग अन्तर्गत शनिबार भएको खेलमा टोटनह्यामले वेस्टह्याम युनाइटेडलाई पराजित गरेको छ ।
लन्डन डर्बीमा भएको प्रतिष्पर्धात्मक खेलमा टोटनह्यामले वेस्टह्यामलाई ३-२ गोल अन्तरले पराजित गरेको हो ।
खेलमा टोटनह्यामका ह्यारी केनले दुई गोल गरेका छन् । यस खेलमा गरेको दुई गोल सँगै केनले यस सिजनमा ६ खेलमा कुल ७ गोल गरेका छन् । उनले खेलको ३४औ र ३८औ मिनेटमा गोल गरेका थिए । टोटनह्यामकाल आगी तेस्रो गोल इरिक्सनले गरेका थिए ।
त्यस्तै वेस्टह्याम भने खेलको ६५औ मिनेटमा जाभियर हर्नानडेजको गोलबाट खेलमा फर्किने प्रयास गरेको थियो । खेलको अन्तिम तिर टोटनह्यामलाई दबाबमा राख्दै खेलको ८७औ
मिनेटमा वेस्टह्यामक कोयटेले गोल गर्दै खेलमा पुनरागमनको प्रयास गरेपनि त्यसपछि कुनै गोल गर्न नसक्दा खेल टोटनह्यामले जितेको थियो । खेलको ७०औ मिनेटमा टोटनह्यामका सर्ज औरियरले दोहोरो पहेलो कार्ड पाएर मैदान छोडेपछि टोटनह्याम १० खेलाडीमा सिमित भएको थियो ।
यो जितपछि टोटनह्याम ६ खेलमा ११ अंक सहित लिगको तेस्रो स्थानमा उक्लिएको छ भने वेस्टह्यामको ६ खेलमा केबल ४ अंक रहेको छ ।
