नेपालीका महानचाड पर्वहरु नजिकिदैँ गर्दा बजारमा दैनिक उपभोग्य बस्तुहरुको मुल्य वृद्धि भएका तथ्यहरु बाहिर आइरहँदा नेपाल राष्ट्र बैंकको एक तथ्यांकले भने मुल्य वृद्धि (मुद्रास्फीती)मा कमी आएको देखाएको छ ।
गत असार महिनामा वार्षिक बिन्दुगत उपभोक्ता मुद्रास्फीति २ दशमलब ७ प्रतिशत रहेकोमा साउन महिनामा केही न्यून भई वार्षिक विन्दुगत उपभोक्ता मुद्रास्फीति २ दशमलब ३ प्रतिशत कायम भएको छ । गत वर्षको सोही अवधिमा यस्तो मुद्रास्फीति ८ दशमलब ६ प्रतिशत रहेको नेपाल राष्ट्र बैंकले जनाएको छ ।
पहिलो महिनाको समष्टिगत आर्थिक तथा वित्तीय परिदृश्य शुक्रबार सार्वजनिक गर्दै केन्द्रीय बैंकले गत वर्षको तुलनामा चालू आर्थिक वर्ष २०७४/७५ को पहिलो महिनाको मुल्य वृद्धि कम भएको बताएको हो । समीक्षा अवधिमा खाद्य मुद्रास्फीति १ प्रतिशतले ऋणात्मक रहेको छ । अघिल्लो वर्षको सोही अवधिमा खाद्य मुद्रास्फीति ९ दशमलब ३ प्रतिशत रहेको थियो ।
यस समूह अन्तर्गतको दलहन तथा गेडागुडीको मूल्यमा २३ दशमलब ३ प्रतिशत, तरकारीको मूल्यमा ११ दशमलब ७ प्रतिशत, मसलाको मूल्यमा ३ दशमलब ५ प्रतिशत र फलफूलको मूल्यमा १ दशमलब ४ प्रतिशतले कमी आएको छ । जसले गर्दा खाद्य मुद्रास्फीति ऋणात्मक रहन गएको तथ्यांकमा उल्लेख गरिएको छ ।
काठमाडौं उपत्यकामा मुल्य वृद्धि सबैभन्दा कम
केन्द्रीय बैंकको विश्लेषणअनुसार सबैभन्दा कम मुल्य वृद्धि काठमाडौं उपत्यकामा देखिएको छ । केन्द्रीय बैंकले गरेको क्षेत्रगत आधारको विश्लेषण हेर्दा काठमाडौं उपत्यकामा गत वर्षको पहिलो महिनाको मुल्य वृद्धि १ दशमलब ३ प्रतिशतमा झरेको छ । गत वर्ष काठमाडौं उपत्यकामा खाद्य वस्तुहरुको मुल्य वृद्धि ७ प्रतिशत रहेको थियो ।
उक्त तथ्यांकका अनुसार समीक्षा अवधिमा उपभोक्ता मुद्रास्फीति हिमालमा ५ दशमलब ६ प्रतिशत, तराईमा २ दशमलब ८ प्रतिशत, पहाडमा २ दशमलब २ प्रतिशत रहेको छ । अघिल्लो वर्षको सोही अवधिमा मूल्य वृद्धिदर हिमालमा ७ दशमलब १ प्रतिशत, तराईमा ८ दशमलब ५ प्रतिशत, पहाडमा १० दशमलब ९ प्रतिशत रहेको थियो ।
खाद्य वस्तुको विवरण
|
२०७३/७४ (मुल्य वृद्धि प्रतिशतमा)
|
२०७४/७५ (मुल्य वृद्धि प्रतिशतमा)
|
खाद्य (मुद्रास्फिती)
|
९.३ |
१.०
|
चिनी तथा चिनीजन्य पदार्थ
|
१९.५
|
५.३
|
दलहन तथा गेडागुडी
|
१८.७
|
२३.३
|
तरकारी
|
१७.९
|
११.७
|
फलफूल
|
१७.५
|
१.४
|
मदिराजन्य पेय पदार्थ |
१३.४
|
८.३
|
मसला
|
१३.३
|
३.५
|
होटल तथा रेष्टुरेण्ट
|
१०.१!
|
५.०
|
स्रोत : नेपाल राष्ट्र बैंक
(नोट : यो मुल्य सुची गत वर्षको तुलनामा चालु आवको पहिलो महिनाको मुल्य वृद्धिको सुची हो ।)