च्याम्पियन्स लिगमा : इङलिश क्लब म्यान्चेस्टर सिटी र टोटनह्यामको विजयी, लिभरपुल बराबरीमा रोकियो 

खरीबोट

काठमाडौँ ।  इङलिश क्लब म्यानचेस्टर सिटीले च्याम्पियन्स लिगको नयाँ सिजनमा विजयी सुरुवात गरेको छ । समूह ‘एफ’ अन्तर्गत बुधबार राति भएको खेलमा इंग्लिस क्लब म्यानचेस्टर सिटीले डच क्लब फाइनोर्डलाई ४–० ले पराजित गर्दै च्याम्पियन्स लिगमा विजयी सुरुवात गरेको हो । 

सिटीको जितमा जोन स्टोनले दुई तथा सर्जियो अग्युरो र गाब्रिएल जिससले एक एक गोल गरे । स्टोनले खेलको दोस्रो मिनेटमा नै गोल गर्दै सिटीलाई सुरुवाति अग्रता दिलाएका थिए । खेलको १०औं मिनेटमा अग्युरोले दोस्रो गोल गरे भने खेलको २५औं मिनेटमा जिससले गोल गरेपछि पहिलो हाफमा सिटीले ३–० को अग्रता लिएको थियो । खेलको ६३औं मिनेटमा स्टोनले व्यक्तिगत दोस्रो गोल गरेपछि सिटीले ४–० को जित हासिल गर्न सफल भएको थियो । 

गएराती नै समुह एच अन्तर्गत भएको खेलमा इङलिश क्लब टोटनह्यामले जर्मनीको क्लब डोर्टमण्डलाई ३-१ गोल अन्तरले पराजित गरेको छ । टोटनह्यामको जितमा ह्यारी केनले दुई गोल गरेका थिए भने हेंग मिन सनले एक गोल गरेका थिए । त्यस्तै डोर्टमण्डका लागि एक गोल यार्मोलेन्कोले गरेका थिए । खेलको अन्तिम तिर टोटनह्यामका भेर्टोनगेनले दोहोरो पहेलो कार्ड पाए पछि मैदान छोड्दा टोटनह्याम १० खेलाडीमा सिमित भएको थियो ।  

त्यस्तै गएराति नै समूह ‘इ’ अन्तर्गतको खेलमा अर्को इङलिश क्लब लिभरपुल र स्पेनिस क्लब सेभिल्लासँग २–२ को बराबरीमा रोकिएको छ । खेलमा लिभरपुलका लागि रोबर्टो फिरमिनो र मोहम्मद सालहले गोल गरेका थिए भने सेभिल्लाका लागि विसाम वेन यद्धर र योआकिन कारेयाले गोल गरे । 

खेलको इन्जुरी समयमा जो गोमेज दोहोरो पहेँलो कार्ड खाँदै मैदानबाट बाहिरिएपछि लिभरपुल १० खेलाडीमा सीमित भएको थियो । 


 

सम्बन्धित समाचार

चेल्सी च्याम्पियन्स लिगको अन्तिम १६ मा, विलियनले गरे दुई गोल 

काठमाडौँ  इङलिश क्लब चेल्सीले अजरबैजानको क्लब कराबागलाई पराजित गर्दै च्याम्पियन्स लिगको अन्तिम १६ मा आफ्नो स्थान पक्का गरेको छ । गएराती भएको खेलमा चेल्सीले कराबागलाई ४-० ले पराजित गरेको हो

च्याम्पियन्स लिगमा स्विस क्लब बसेलसँग हार्यो म्यान्चेस्टर युनाइटेड  

काठमाडौँ । म्यान्चेस्टर युनाइटेड च्याम्पियन्स लिगको अन्तिम १६ मा छनौट हुन् अन्तिम खेलसम्म रोकिएको छ । गएराती भएको च्याम्पियन्स लिग अन्तर्गतको समुह चरणको खेलमा स्विटजरल्याण्डको क्लब बसेलसँगको खेलमा अन्तिम मिनेटमा

पिएसजीको सेल्टिकमाथि गोल बर्षा, नेइमार र कभानीले गरे २-२ गोल

काठमाडौँ । फ्रान्सको पेरिस सेन्ट जर्मन (पिएसजी) ले स्कटिस क्लब सेल्टिकलाई ७-१ को ठुलो गोल अन्तरले पराजित गरेको छ । गएराती भएको च्याम्पियन्स लिग अन्तर्गत समुह चरणको खेलमा सेल्टिकलाई पिएसजीले

युभेन्टसविरुद्ध बार्सिलोना जित निकाल्न असफल, बराबरी पछि पनि अन्तिम १६ मा पुग्यो 

काठमाडौँ । युभेन्टसलाई उसैको मैदानमा हराउने बार्सिलोनाको प्रयास असफल भएको छ । गएराती भएको च्याम्पियन्स लिग अन्तर्गत भएको समुह चरणको खेल गोलरहित बराबरीमा सकिएपछि बार्सिलोनाले युभेन्टसलाई उसको घरेलु मैदानमा पराजित