माओवादी केन्द्रले तोक्यो प्रदेश र संघका उम्मेदवार

खरीबोट

मुगु । नेकपा (माओवादी केन्द्र)ले आगामी मंसिर १० गते हुने प्रदेश तथा संघको निर्वाचनमा मुगु जिल्लाबाट उठ्ने उम्मेदवारहरुको टुंगो लगाएको छ । 

माओवादी जिल्ला कमिटी मुगुको गत २५ गतेदेखि जिल्ला सदरमुकाम गमगढीमा बसेको बैठकले प्रदेश तथा संघका उम्मेदवारको टुंगो लगाएको हो । 

तीन दिनसम्मको छलफलमा पार्टीमा गरेको योगदान, जनप्रियता र चुनाव जित्न सक्ने हैसियतको यकिन गरी उम्मेदवारको टुंगो लगाइएको माओवादी केन्द्रले जनाएको छ । 

केन्द्रका अनुसार प्रत्यक्षतर्फ संघमा मंगलबहादुर शाही, प्रदेशमा क्षेत्र नं १ मा केबलबहादुर मल्ल, क्षेत्र नं २ मा राजु कार्की, समानुपातिकतर्फ संघमा अजबहादुर शाही, प्रदेशमा लालचन्द्र विक र बाँचु धामीलाई सर्वसम्मत रुपमा उम्मेदवार बनाइएको छ । 

जिल्लामा मुख्य प्रतिष्पर्धामा रहेका नेपाली कांग्रेस, नेकपा एमाले र माओवादीमध्ये माओवादीले सबैभन्दा पहिला आफ्ना उम्मेदवारको टुंगो लगाएको छ भने एमालेले छलफल चलाइरहेको छ । 

एमाले स्रोतका अनुसार तीन-चार दिनभित्र उम्मेदवारको टुंगो लागिसक्नेछ । 

कांग्रेसले भने उम्मेदवार छनोटको सुरसार गरेको छैन । कांग्रेस मुगुका सभापति खड्कबहादुर शाही अन्य पार्टीबाट उम्मेदवार तय भएपछि आफूहरूले उम्मेदवार टुंगो लगाउने बताउछन् ।

सम्बन्धित समाचार

निर्वाचनपछिको उथलपुथल : कांग्रेसमा भद्रगोल, एमाले डिफेन्सिभ, माओवादी केन्द्र जिल्ल

  नेपालको राजनीतिमा दुई चरणको स्थानीय निर्वाचन पछि बाहिर देखिने रुपमा ठुलो उथल पुथल नभए पनि पार्टीहरु भित्र भित्रै ठुलो उथल पुथल भएको छ । कांग्रेस माओवादी केन्द्रलाई साफ पारेर देशको

नयाँ शक्तिले फोरमसँग एकता नगर्ने : माओवादी केन्द्रसँग एकताको कुनै सम्भावना छैन – डा.भट्टराई

काठमाडौँ, नयाँ शक्ति पार्टी नेपालले संघीय समाजवादी फोरमसँग पार्टी एकता नहुने भएको छ । आफूहरु वैकल्पिक राजनीतिक धार निर्माण गर्न लागेको तर फोरम परम्परागत राजनीतिमा नै रहेकाले एकताको सम्भावना नरहेको

माओवादी केन्द्र संसदीय दलको प्रमुख सचेतकमा शर्मा

 काठमाडौँ, नेकपा (माओवादी केन्द्र) संसदीय दलको प्रमुख सचेतकमा पूर्वमन्त्री एवं सांसद रेखा शर्मालाई जिम्मेवारी दिइएको छ । बुधबार बसेको संसदीय बोर्डको बैठकले उहाँलाई प्रमुख सचेतकको जिम्मेवारी दिइएको हो ।  संसदीय दलका नेता

रामचन्द्र झा र रामकुमार शर्मा फेरी माओवादी केन्द्रमा फर्किए

काठमाडौँ । नयाँ शक्ति पार्टी नेपालका सह–सयोजक रामचन्द्र झालगायतका नेता नेकपा (माओवादी केन्द्र)मा फर्किएका छन् ।  माओवादी केन्द्रका अध्यक्ष पुष्पकमल दाहाल ‘प्रचण्ड’, नेता जनार्दन शर्मा, उर्मिला अर्याल, मातृका यादव, श्रवण यादवलगायतका