नेप्सेमा आजपनि गिरावट : ६३ करोड ६९ लाख रुपैयाँ सेयर खरिद बिक्री

खरीबोट

काठमाडौ । लगातारको गिरावट नरोकिएपछि नेप्से १४ सय बिन्दुमा झरेको छ ।

साताको चौथौ दिन आज बुधबार नेप्से नौ अंकले घटेर १४ सय ९३ दसमलव २० बिन्दुमा झरेको छ भने सेन्सिटिभ दुई दसमलव चार अंकले घटेर तीन सय १३ दसमलव ३२ बिन्दुमा झरेको छ ।

एक सय ६० कम्पनीहरुको छ हजार तीन सय ६३ वटा कारोवारमा १२ लाख ७७ हजार पाँच सय ५४ कित्ता सेयर खरिद बिक्री भएकाछन । उक्त परिमाणमा सेयर खरिद बिक्री हुंदा कारोवार रकम ६३ करोड ६९ लाख ८९ हजार ७१ रुपैयाँ पुगेको छ । 

नेप्सेमा आज सबैगरी कुल आठ वटा समुहको कारोवार भएकोमा चार वटा समुहले कमाएकाछन भने चार वटाले गुमाएकाछन ।

बाँणिज्य बैक समुहको सुचक ११ दसमलव २६ अंकले घटेर १२ सय ७९ दसमलव ७३ बिन्दुमा झरेकोमा २४ करोड पाँच लाख ५५ हजार रुपैयाँको सेयर खरिद बिक्री भएको छ । बिकास बैक समुहको सुचक २४ दसमलव पाँच अंकले घटेर १८ सय ९३ दसमलव ५२ बिन्दुमा झरेकोमा १४ करोड १४ लाख २८ हजार रुपैयाँको सेयर खरिद बिक्री भएको छ ।

उत्पादनमुलक र अन्य समुहको सुचक पनि आज घटेको छ । बीमा समुहको सुचक भने आज आठ दसमलव ९१ अंकले बढेर आठ हजार दुई सय ६६ दसमलव ७५ बिन्दुमा कायम रहेकोमा १६ करोड नौ लाख ५१ हजार रुपैयाँको सेयर खरिद बिक्री भएको छ । फाईनान्स समुहको सुचक पनि नौ दसमलव ७१ अंकले बढेर सात सय ६३ दसमलव ४३ बिन्दुमा कायम रहेकोमा एक करोड २६ लाख ५१ हजार चार सय रुपैयाँको सेयर खरिद बिक्री भएको छ । यसबाहेक होटल र जलबिद्युुत समुहको सुचक पनि आज बढेको छ । 

आज बढी कमाउने कम्पनीको सुचीमा परेको एभरेष्ट बैकको संस्थापक सेयर तर्फको सेयर मुल्य पाँच रुपैयाँ ८५ पैसाले बढेर आठ सय १४ रुपैयाँमा प्रतिकित्ता सेयर कारोवार भएको छ भने लक्ष्मी लघुबित्त बित्तीय संस्थाको सेयर मुल्य १० रुपैयाँले घटेर १७ सय ९१ रुपैयाँ अन्तिम मुल्यमा प्रतिकित्ता सेयर कारोवार भएको छ ।

रकम कारोवारका आधारमा अग्रस्थानमा परेको नेपाल इन्भेष्टमेन्ट बैकको सात सय ५० रुपैयाँ अन्तिम मुल्यमा तीन करोड ३१ लाख २६ हजार सात सय ९५ रुपैयाँको सेयर कारोवार भएको छ । 

सम्बन्धित समाचार

ओरालो लाग्यो सेयर बजार, ९२ करोडको मात्र कारोबार

काठमाडौँ ।  धितोपत्र बजारमा आज सेयर कारोबार ओरालो लागेको छ ।  नेपाल स्टक एक्चेञ्ज लिमिटेडका अनुसार आज बजार ८.१९ बिन्दुले ओरालो लागेर एक हजार ६५३.९० बिन्दुमा पुगेको छ । ठूला कम्पनीका

आजको सेयरबजार : बीमा समूहको उच्च गिरावट, नेप्से पनि ११ अंकले घट्यो

काठमाडौं । अघिल्ला दिनहरुको तुुलनामा साताको पहिलो कारोबार दिन आज आईतबार नेप्से सूचक तथा कारोबार रकम दुुबै उच्च अंकले घटेको छ । बीमा समूहको सूचकमा एक सय अंक भन्दा बढीले

किन घट्दै छ सेयर बजार ?

काठमाडौं । विगत केही सातादेखि लगातार सेयरबजार घटेपछि सेयर लगानीकर्ताहरुको संगठन नेपाल इन्भेष्टर फोरमले सरकारी उदासीनता र सेयरबजारलाई हेर्ने दृष्टिकोणकै कारण बजार घटेको बताएको छ । सोमबार फोरमले विज्ञप्ति जारी

नेप्से दोहोरो अंकले घट्यो, ५७ करोडको मात्रै सेयर किनबेच

काठमाडौं । अघिल्लो दिन तीन अंकले बढेको नेप्से आज भने कारोबार रकम र सूचक दुवै नै उच्च अंंकले घटेका छन् । साताको तेस्रो कारोबार दिन आज मंगलबार नेप्से २१ दशमलव