तनहुँ । बुधबार बिहान व्यास नगरपालिका– १२ बेलभञ्ज्याङमा बस र ट्रक एकापसमा ठोक्किँदा १६ जना घाइते भएका छन् ।
पृथ्वीराजमार्गमा दमौलीबाट काठमाडौँतर्फ जाँदै गरेको ना४ख ५४९१ नं को बस र विपरीत दिशाबाट आउँदै गरेको ना६ख ३२९३ नं को ट्रक ठोक्किंदा दुर्घटना भएको हो ।
गम्भीर घाइते भएका बस चालक सुवास राईसहित पाँच जनालाई उपचारका लागि पोखरास्थित मणिपाल अस्पताल लगिएको जिल्ला प्रहरी कार्यालयले जनाएको छ । अन्य घाइतेको डुम्रेस्थित लक्ष्मी अस्पतालमा उपचार भइरहेको छ । ट्रक चालकलाई प्रहरीले नियन्त्रणमा लिएको छ ।