- २०८१ बैशाख १२ बुधबार
बनियानी, झापा । पूर्वीनाका काँकडभित्ताबाट मंगलबार दुई भारतीय नागरिक नक्कली नेपाली नोटसहित पक्राउ परेका छन् ।
नेपाली नक्कली नोटसहित भारत सिलिगुडीका ४० वर्षीय सतिस अग्रवाल र सोही ठाउँका २४ वर्षीय हितेस अग्रवाल पक्राउ परेका हुन् । प्रहरी नायब उपरीक्षक जितेन्द्रकुमार बस्नेतका अनुसार दुवै जनालाई मेचीनगर–६ स्थित भन्सार गेट अगाडिबाट पक्राउ गरिएको हो ।
प्रहरीले सतिसको साथबाट रु ३३ हजार र हितेसको साथबाट रु १७ हजार नेपाली नक्कली नोट बरामद गरेको छ । दुवै जनालाई हिरासतमा राखेर थप अनुसन्धान भइरहेको प्रहरीले जनाएको छ ।
