एनआईसी एशियाले गर्यो चौथो पटक डलरको आयात, ग्राहकले रित्तो हात फर्किनु नपर्ने

खरीबोट
ad

काठमाडौं । एनआईसी एशिया बैंक लिमिटेडले विदेश जाने नेपालीहरुका लागि आवश्यक पर्ने डलरको माग पूरा गर्नका लागि विदेशबाट नगद डलरको आयात जारी राखेको छ ।

बैंकले दशैं तथा तिहारको अवसर पारेर बिदा मनाउन विदेश जानेहरुको संख्या बढ्ने र डलरको माग पनि बढ्ने भएकाले उक्त मागलाई पूर्ति गर्नका लागि चौथो पटक ५० लाख नगद डलर आयात गरी ग्राहकहरुलाई उपलब्ध गराउन शुरु गरेको जानकारी दिएको छ ।

यसअघि बैंकले तीन पटक गरेर ६० लाख नगद डलर आयात गरी नेपाली ग्राहकहरुलाई उपलब्ध गराइसकेको बैंकले बताएको छ । बैंकले काठमाडौं उपत्यकाका सबै शाखाहरुमा प्रशस्त मात्रामा नगद डलर रहेकाले कुनै पनि ग्राहकले डलर नपाएर फर्कनुपर्ने अवस्था नरहेको बताएको छ ।

यसअघि नगद अमेरिकी डलरको अति न्यून मात्रामा आपूर्ति भएका कारण ग्राहकहरुलाई पर्न गएको असजतालाई सम्बोधन गर्ने हेतुले नेपाल राष्ट्र बैंकद्वारा ‘क’ वर्गका बैंकहरुलाई विदेशवाट नगद डलर आयात गरी सप्लाइ गर्न परिपत्र जारी भएपछि विदेशबाट डलर आयात गर्ने एनआईसी एशिया पहिलो बैंक बनेको थियो । 

डलर साट्न आउने ग्राहकले साथमा पासपोर्ट र हवाई टिकेट पनि लिएर आउनुपर्ने तथा त्यस्तो कागजात पूरा गरी आउने प्रत्येक ग्राहकलाई नियमानुसार २ हजार ५ सय डलरसम्म उपलब्ध गराउन सकिने बैंकले जानकारी दिएको छ । 

बैंकले हालका लागि काठमाडौँ भित्रका सम्पूर्ण ३२ शाखा कार्यालयहरु (त्रिपुरेश्वर, जावलाखेल, न्यूरोड खिचापोखरी, बनेपा, भक्तपुर, कलंकी, क्षेत्रपाटी, महाराजगंज, सामाखुसी, बौद्ध, बागबजार, कौशलटार, ग्वार्को, खुमल्टार, सुकेघारा, डिल्लीबजार, न्यूरोड विशालबजार, कमलादी, पुल्चोक, बत्तीसपुतली, किर्तिपुर, सातदाबाटो, टेकु, पेप्सीकोला, थानकोट, ठमेल, नयाँ बानेश्वर, थापाथली रजिष्टर्ड कार्यालय शाखा, बालाजु, कपन, लाजिम्पाट र गोल्फुटार) बाट सहज रुपमा उपलब्ध गराउने व्यवस्था मिलाएको छ ।

साथै, यस बैंकले विदेश जाने ग्राहकहरुलाई भिसा इन्टरनेश्नल डेभिट कार्ड मार्फत पनि अमेरिकी डलर सटही सुविधा प्रदान गर्दै आएको छ । 
 

सम्बन्धित समाचार

एनआईसी एशियाले ल्यायो १२ प्रतिशत व्याजदरमा मुद्दती निक्षेप योजनामा   

काठमाडौँ । एनआइसी एशिया बैंकले सर्वाधिक उच्च व्याजदर सहितको मुद्दती निक्षेप योजना पुनः सञ्चालनमा ल्याएको छ ।  धनवर्षा मुद्दती निक्षेप योजनामा रहेको उक्त मुद्दति निक्षेप योजनामा मासिक रुपमा व्याज भुक्तानीको

एनआईसी एशिया बैंकद्वारा ‘एक कर्मचारी, एक फलफुल विरुवा’ नाराका साथ वृक्षारोपण

काठमाडौँ । एनआईसी एशिया बैंक लिमिटेडले विश्ववातावरण दिवसको उपलक्ष्यमा “एक कर्मचारी, एक फलफुलविरुवा” भन्ने नाराका साथएवं आफ्नो सामाजिक उत्तरदायित्वअन्तर्गत धापासीस्थित बैंकको प्राङ्गण एवं बैंकको आफ्ना सम्पूर्ण क्षेत्रीय कार्यालयहरु एवं शाखा

एनआईसी एशिया बैंकको नयाँ शाखा पर्साको लंगडिमा

काठमाडौँ । एनआईसी एशिया बैंकले आफ्नो नयाँ शाखा पर्साको धोबिनी गाँउपालिका-४  लंगडिमा संचालन गरेको छ । लंगडि शाखाको एक समारोहका बिच धोबिनी गाँउपालिकाका प्रमुख सुरेश प्रसाद कुर्मीले उद्घाटन गरेका छन् । बैंकले

एनआईसी एशिया बैंकको नयाँ शाखा रौतहटको बंकुल बजारमा

काठमाडौँ । एनआईसी एशिया बैंकले आफ्नो नयाँ शाखा रौतहटको  बौधीमाई नगरपालिका वडा-६, बंकुलबजार, रौतहटमा १४३औं शाखाको रुपमा स्थापना गरेको छ । बंकुलबजार शाखाको एक समारोहका बिच बौधीमाई नगरपालिकाका मेयर राजीव रंजन