राष्ट्रपति भण्डारीबाट विद्यापदक प्रदान, कस-कसले पाए पदक (सुची सहित)

खरीबोट

राष्ट्रपति विद्यादेवी भण्डारी अन्तर्राष्ट्रिय साक्षरता दिवस तथा ३८औं राष्ट्रिय शिक्षा दिवसको अवसरमा राष्ट्रपति कार्यालयमा शुक्रबार आयोजित कार्यक्रममा मिस नेपाल सदिक्षा श्रेण्ठलाई नेपाल विद्याभूषण पदक ख प्रदान गर्नुहुँदै । तस्बिर : प्रदीपराज वन्त, रासस

काठमाडौँ । राष्ट्रपति विद्यादेवी भण्डारीले अन्तर्राष्ट्रिय साक्षरता दिवस तथा ३८औँं राष्ट्रिय शिक्षा दिवसका अवसरमा उत्कृष्ट विद्यार्थीलाई विभिन्न विद्यापदक प्रदान गर्नुभएको छ । 

राष्ट्रपति कार्यालय शीतल निवासमा आज भएको कार्यक्रममा उहाँले नेपाल विद्याभूषण पदक ‘क’बाट २१५ जना, ‘ख’बाट ८२ जना, ‘ग’बाट २८ जना, स्नातक तहको नेपाल छात्र विद्यापदक २३ जना र प्रमाणपत्र तहको नेपाल छात्र विद्यापदक तीन जनालाई प्रदान गर्नुभएको हो । 

सो अवसरमा राष्ट्रपति भण्डारीले पदक पाउनेले आफ्नो आर्जित ज्ञान र विद्धतालाई सामाजिक, आर्थिक समृद्धिमा प्रयोग गर्ने विश्वास व्यक्त गर्नुभयो । 

देश विकासको आधार स्तरीय शिक्षा भएको बताउँदै उहाँले भन्नुभयो,–“शिक्षाले सामाजिक, आर्थिक र राजनीति रुपमा जागरुक नागरिक तयार गर्छ भने आर्थिक रुपमा सक्षम हुने वातावरणसमेत सिर्जना गर्छ ।” 

राष्ट्रपति भण्डारीले सदियौँदेखि अभ्यासमा रहेको पूर्वीय ज्ञानलाई संरक्षण र संवद्र्धन गर्दै समयानुकूल आधुनिक ज्ञानको माध्यमबाट समग्र शिक्षा पद्दतिलाई वैज्ञानिक ढंगको बनाउन आवश्यक रहेकोमा जोड दिनुभयो । 

उच्च शिक्षालाई सर्वसुलभ र गुणस्तरीय बनाउनुपर्नेमा जोड दिँदै उहाँले प्राविधिक विषयमा नेपालमा विश्वस्तरीय शिक्षा प्रदान गर्ने वातावरण बन्नु खुशीको कुरा हो भन्नुभयो । 

राष्ट्रपति भण्डारीले संविधानमा आधारभूत शिक्षाको पहुँचलाई निःशुल्क र अनिवार्य तथा माध्यमिक तहसम्मको शिक्षालाई निःशुल्क गर्ने व्यवस्था राख्नु खुशीको कुरा भएको बताउँदै भूकम्प, बाढीपहिरोबाट क्षतिग्रस्त शैक्षिक संस्थाको पुनःनिर्माणलाई तीव्रता दिई सबैले सहज रुपमा शिक्षाआर्जन गर्ने वातावरण बनाउन सम्बन्धीत सबैमा आग्रह गर्नुभयो । 

“शिक्षा आर्जन गर्न विदशेमा जान रमाउने, हासिल गरेको सीप, दक्षता, अनुभव र शिक्षा पनि विदेशमै समर्पित गर्ने प्रवृत्ति युवाको एउटा पंक्तिमा देखिएको छ, यो हाम्रो सामु देखिएको एउटा चुनौती हो, यसलाई दीर्घकालीन रुपमै समाधान गर्नका लागि शिक्षा क्षेत्रका सरोकारवाला र नीति निर्माताले समयमै सचेत हुनुपर्छ,” उहाँँले भन्नुृभयो । 

राष्ट्रपति भण्डारीले संविधान जारी भई अहिले मुलुक स्थानीय तहको अन्तिमचरणको निर्वाचन सम्पन्न गर्ने अन्तिम घडीमा रहेको तथा प्रदेश र संघको निर्वाचनको मिति घोषणा भई त्यसको तयारीमा जुटेको उल्लेख गर्दै यी निर्वाचनले राज्य सञ्चालनका लागि संवैधानिक र कानूनी व्यवस्थालाई थप संस्थागत र सुदृढ गर्ने विश्वास व्यक्त गर्नुभयो । 

सामाजिक न्याय र समानतामा आधारित समाजवाद उन्मुख समृद्ध नेपाल निर्माण अहिलको प्रमुख कार्यभार रहेको बताउँदै उहाँले विकासोन्मुख मुलुकबाट नेपाललाई विकासित राष्ट्रमा लैजानु आजको आवश्यकता हो भन्नुभयो । 

कार्यक्रममा उपप्रधान तथा शिक्षा मन्त्री गोपालमान श्रेष्ठले देश विकासका लागि शिक्षा पहिलो खुड्किलो भएकोले सबै शिक्षित भए मात्रै देश विकास सम्भव रहेको बताउनुभयो  अहिलको शिक्षा पद्दतिलाई परिमार्जन गर्दै स्थानीयकरण, आधुनिकीकरण र विविधिकरण बनाउँदै लैजानुपर्नेमा उहाँले जोड दिनुभयो ।

नेपाल विद्याभूषण र नेपाल छात्र विद्यापदक पाउनेहरुको सुची :

सम्बन्धित समाचार

नेपाली खेलाडीले कास्यपदक जिते

काठमाडौँ । थाइल्याण्डको बैंककमा भएको बैंकक म्याराथनमा नेपालका रामकृष्ण महर्जन र धर्म महर्जनले कास्य पदक हात पारेका छन् ।  दुवै खेलाडीले फूल म्याराथनमा पदक जितेका हुन् । रामकृष्णले ५०–५९ वर्षको उमेर समूहमा

नेपाली सेनाका अल्ट्रा धावकले हङकङमा स्वर्ण पदक जिते 

काठमाडौँ । अक्सफाम इन्टरनेशनलद्वारा हङकङमा शुक्रबार सम्पन्न अन्तर्राष्ट्रिय ट्रेल रेस प्रतियोगितामा नेपाली सेनाका चारजना अल्ट्रा धावकले स्वर्ण पदक प्राप्त गर्न सफल भएका छन् ।  त्रिभुवन आर्मी क्लबको प्रतिनिधित्व गर्दै सेनाका चारजना

पूर्व राष्ट्रपति यादव ‘जनआन्दोलन स्वर्ण पदक’बाट विभूषित

काठमाडौँ । राष्ट्रपति विद्यादेवी भण्डारीले पूर्व राष्ट्रपति डा रामवरण यादवलाई ‘जनआन्दोलन स्वर्ण पदक, २०७४’ बाट विभूषित गरीन ।  सर्वमान्य नेता स्व गणेशमान सिंहको १०३औँ जन्मजयन्तीको अवसरमा गणेशमान सिंह तथा जनआन्दोलन शहीद

प्रधानमन्त्री पदका लागि गठबन्धन गरेको होइन : अध्यक्ष ओली

विराटनगर ।  नेकपा (एमाले)का केन्द्रीय अध्यक्ष केपी शर्मा ओलीले लोकतन्त्रको स्थायित्वका लागि विचारधारा मिल्ने दलसँग मिलेर वाम गठबन्धन बनाएको बताएका छन् ।  विराटनगर विमानस्थलमा आज सञ्चारकर्मीहरुसँग विचारधाराको आधारमा राजनीतिक दल स्थापना हुनुपर्नेमा अधिकांश