स्कुल बस चलाउने नाबालक पक्राउ 

खरीबोट

बारा। बाराको पथलैया स्थित २ नम्बर प्रदेश ट्राफिक प्रहरी कार्यालयले सड्कमा गम्भीर लापर्वाही गर्ने स्कुल बससहिँत त्यसका चालकलाई पक्राउ गरेको छ ।

जीतपुरसिमरा उपमहानगरपालिका वडा नं.१ सिमरा स्थित माउण्ट एभरेष्ट ईंङ्गलिस स्कुलको अमलेखगंज स्थित शाखा एन्जल निम्न माध्यामिक विद्यालयको उक्त बस शुक्रवार विहान करिब १० बजेको समयमा बिरगंज–पथलैया सड्क खण्डको जीतपुरसिमरा वडा नं.१ स्थित सड्कमा बालकले चलाएको भेटिएपछि नियन्त्रणमा लिएको प्रदेश ट्राफिक प्रहरी कार्यालय पथलैयाले जनाएको छ । 

बा.४.ख.३९६१ नम्बरको उक्त बस चलाउँने जीतपुरसिमरा उपमहानगरपालिका वडा नं.१ दशधुरेका १३ वर्षिय बालक सिलिप पासवान र बसका चालक महोत्तरी जिल्लाको खयरमार घर भई हाल अमलेखगंज बस्दै आएका ३६ वर्षिय लोकमान मोक्तानलाई ट्राफिक प्रहरीले नियन्त्रणमा लिएको हो । 

पासवान उक्त बसको सहयोगिका रुपमा कार्यर्त रहेको र शुक्रवार चालक मोक्तानले विद्यार्थी छोडेर फर्कने क्रममा पासवानलाई बस चलाउँन दिएको ट्राफिक प्रहरीले जनाएको छ । 

सड्कमा लापर्वाही गर्ने चालक र बालक दुबैलाई पक्राउ गरि ईलाका प्रहरी कार्यालय सिमरामा आवश्यक कारवाहीका लागि पठाईएको प्रदेश ट्राफिक प्रहरी कार्यालय पथलैयाका प्रवक्ता एवंम् ट्राफिक प्रहरी नायव उपरीक्षक यमनाथ अधिकारीले जानकारी दिए । 

शुक्रवार प्रदेश ट्राफिक प्रहरी कार्यालय पथलैयामा घटना बारे जानकारी गराउँन आयोजित पत्रकार सम्मेलनमा प्रदेश ट्राफिक प्रहरी प्रमुख एसपी बज्राचार्यले बालकले मुख्य राजमार्गमा स्कुल बस चलाएको देख्दा आँफूहरु अचम्मित भएको बताईन् । ‘सडकमा सवारी लिएर मानिसले कति सम्म लापर्वाही गर्न सक्छन् भन्ने कुरा यो घटनाले उजागर गरेको छ’ डिएसपी अधिकारीले भने । 
 

सम्बन्धित समाचार

पचास किलो गाँजा तथा ३५ सय लिटर अबैध मदिरा नष्ट

बारा। ईलाका प्रहरी कार्यालय सिमरा बाराले पचास किलो गाँजा र तीन हजार पाँच सय लिटर अबैध घरेलु मदिरा बरामद गरि नष्ट गरेको छ । प्रहरीले विभिन्न मिति र स्थानमा नियमित चेक–जाँच

नेकपा बैठक : जननिर्वाचित प्रतिनिधिले पार्टीमा कार्यकारी पद नपाउने, केन्द्रीय कार्यालय धुम्बाराहीमा 

काठमाडौँ।  नेपाल कम्युनिष्ट पार्टी(नेकपा)ले सरकार, संसद् र स्थानीय तहको मुख्य जिम्मेवारीमा रहेका नेता कार्यकर्तालाई कुनै पनि स्तरको पार्टी कमिटीको कार्यकारी पदमा नराख्ने भएको छ ।  प्रधानमन्त्री निवास बालुवाटारमा विहिबार बसेको सचिवालय

छोरीको हत्या गरेको अभियोगमा प्रधानाध्यापकसहित ४ जना पक्राउ 

बारा। बारा प्रहरीले आफ्नै छोरीको हत्या गरेको अभियोगमा प्रधानाध्यापक ब्रजकिशोर मिश्रसहित ४ जना पक्राउ गरेको छ। गत असार १२ गतेको घटना पछि चौतर्फ़ि दबाबमा परेपछि प्रहरीले घटना भएको करिब डेढ महिना

प्रधानाध्यापकले आफ्नै छोरीको हत्या गरेको आशंका, बारा प्रहरीको फितलो अनुसन्धान

बारा। बाराको कलैया उपमहानगरपालिकामा अषाढ १२ गत मंगलवार एक युवतीको रहस्यमय मृत्यु भएको खवर सार्वजनिक भएको महिना दिन वितिसक्दा पनि प्रहरीको अनुसन्धान माथि नै शंका उत्पन्न भएको छ ।  वडा नम्वर