त्रिभुवन विश्वविद्यालयको कानून संकायमा विद्यार्थी भर्नाका लागि कोटा प्रणाली लागू नहुने

खरीबोट

काठमाडौँ। त्रिभुवन विश्वविद्यालयको कानून संकायअन्तर्गत स्नातक प्रथम वर्षमा (एलएलबी) नयाँ विद्यार्थी भर्नाका लागि कोटा प्रणाली लागू नहुने भएको छ । 

त्रिवि कानून संकाय डिनको कार्यालय र विद्यार्थीसंगठनबीच प्रवेश परीक्षामा सामेल भएका सबै विद्यार्थीलाई भर्ना गर्ने सहमति भएपछि कोटा प्रणाली लागू नगरिने भएको नेपाल ल क्याम्पसका प्रमुख डा दीनानाथ पराजुलीले जानकारी गराए । 

उहाँका अनुसार डिन कार्यालयले सबै क्याम्पसलाई बुधबारदेखि भदौ २५ गतेसम्मका लागि भर्ना गर्न निर्देशन दिइसकेको छ । ‘‘प्रवेश परीक्षामा सामेल भएका सबैलाई डिन कार्यालयले भर्ना गर्न निर्देशन दिएको छ’’, उनले भने, ‘‘डिन कार्यालयको निर्देशनानुसार भोलिबाट हामी भर्ना प्रक्रिया शुरु गर्दछाँै ।’’ 

डिन कार्यालयले आइतबार प्रवेश परीक्षामा सामेल भएका सबैलाई भर्ना गर्न पाउने गरी योग्यताक्रमले नतिजा प्रकाशित गरेको थियो । 

‘‘अहिलेलाई प्रवेश परीक्षामा सामेल भएकाले मात्र भर्ना गर्न पाउँछन्’’ क्याम्पस प्रमुख डा पराजुलीले भने– ‘‘त्यसपछि अन्य विद्यार्थीको भर्ना गर्ने वा नगर्ने भन्नेमा प्रवेश परीक्षा दिएका विद्यार्थीको भर्ना सकिएमात्र थाहा हुने छ ।’’ 

डिनको कार्यालयले क्याम्पसको भौतिक पूर्वाधार र प्राध्यापकको संख्या हेरि यस वर्षदेखि काठमाडाँैस्थित नेपाल ल क्याम्पसमा ८०० जना र अन्य उपत्यकाबाहिर नेपालगन्ज, विराटनगर, पोखरा, बुटवल, धरान, वीरगञ्ज र राजविराजस्थित त्रिविका आंगिक क्याम्पसमा १५० जनाको कोटा तोकेको थियो । 

कोटा प्रणालीको आधारमा करिव चार हजार ७०० विद्यार्थीले गत जेठ १९ गते प्रवेश परीक्षासमेत दिएका थिए । कोटा प्रणाली लागू गरेपछि विद्यार्थी संगठन आन्दोलित भएका थिए । 

कोटा प्रणालीको विरोध गर्दै स्वतन्त्र विद्यार्थी समूहले कानून संकाय डिनको कार्यालयमा प्रवेश गरी प्राध्यापकले परीक्षण गरिरहेको बेला गत असार २७ गते उत्तरपुस्तिका नियन्त्रणमा लिई च्यातेका थिए । 

क्याम्पस प्रमुख डा पराजुलीले भदौदेखि नै कक्षा सञ्चालन गर्ने बताउनुभयो । नेपाल ल क्याम्पस अनेरास्ववियु कमिटीका अध्यक्ष हरि पँगेनीले आफूहरुले पहिलेदेखि कोटा प्रणालीको विरोध गर्दै आएको भन्दै अब सबै विद्यार्थी भर्ना हुने वातावरण बनेको बताए । 

उनले पहिलो चरणमा प्रवेश परीक्षामा सामेल भएकाको भर्ना गरेपछि दोस्रो चरणमा अन्य विद्यार्थीको भर्ना लिइने बताए । 

कोटा प्रणालीमा विवाद हुदाँ चैतदेखि हुने एलएलबी प्रथम वर्षको पढाइ पाँच महिना ढिला भएको छ । 

सम्बन्धित समाचार

त्रिभुवन विश्वविद्यालयको कानून संकायमा विद्यार्थी भर्नाका लागि कोटा प्रणाली लागू नहुने

काठमाडौँ। त्रिभुवन विश्वविद्यालयको कानून संकायअन्तर्गत स्नातक प्रथम वर्षमा (एलएलबी) नयाँ विद्यार्थी भर्नाका लागि कोटा प्रणाली लागू नहुने भएको छ ।  त्रिवि कानून संकाय डिनको कार्यालय र विद्यार्थीसंगठनबीच प्रवेश परीक्षामा सामेल भएका

त्रिभुवन विश्वविद्यालयमा सेमेस्टर प्रणालीले परीक्षाको नतिजामा सुधार

काठमाडौँ। त्रिभुवन विश्वविद्यालय अन्तर्गत देशभरका क्याम्पसमा स्नातकोत्तर तहको पठनपाठनमा पूर्णतः सेमेस्टर प्रणाली लागू भएको छ ।  सेमेस्टर प्रणालीको शुरुवातसँगै परीक्षा सञ्चालन र नतिजा प्रकाशनमा समेत सुधार आएको छ । वार्षिक प्रणालीमा

त्रिभुवन विश्वविद्यालयमा आर्थिक पारदर्शिता कायम राख्न सफ्टवेयर सञ्चालित

काठमाडौंँ / त्रिभुवन विश्वविद्यालयमा आर्थिक पारदर्शिता कायम गर्न ‘त्रिवि केन्द्रीय बेरुजु सूचना व्यवस्थापन सफ्टवेयर प्रणाली’ सञ्चालनमा ल्याइएको छ ।  सो सफ्टवेयरको त्रिविका रजिष्ट्रार डिल्लीराम उप्रेतीले आइतबार शुभारम्भ गरे । लेखापरीक्षण महाशाखाले

त्रिभुवन विश्वविद्यालयको एलएलबी भर्नामा पुनः कोटा प्रणाली लागु हुने

काठमाडौँ । त्रिभुवन विश्वविद्यालयको कानून संकायअन्तर्गत स्नातक प्रथम वर्षमा (एलएलबी) भर्नाका लागि पुनः कोटा प्रणाली लागू गरिने भएको छ ।  यसअघि असार १४ गते विद्यार्थी संगठनसँगको छलफलमा कोटा प्रणाली लागू नगर्ने सहमति