काराकास । भेनेजुयाली राष्ट्रपति निकोलास माधुरोमाथि कार्यक्रमस्थलमै ड्रोन आक्रमण भएको छ ।
शनिबार भएको आक्रमणमा उनी मुस्किलले बाँच्न सफल भएको एजेन्सीहरुले जनाएका छन् । उनी बोलिरहँदा टिभीमा लाइभ दिइरहिएको थियो । भेनेजुयाली सरकारका अनुसार राजधानी काराकासमा सयौँ सैनिकहरुसामु बोलिरहेका उनीमाथि विस्फोटक पदार्थसहितको ड्रोन आक्रमण भएको हो ।
उनलाई केही नभएको पनि बताइएको छ । यद्यपि घटनामा ७ जना घाइते भएका छन् । यो घटनाको एउटा भिडियो सार्वजनिक भएको छ, जहाँ माधुरो बोलिरहेका छन् भने केही बेरमै सबै आकाशतिर हेर्नथाल्छन्, त्यसपछि भागदौड सुरु हुन्छ । स्थानीय समयअनुसार साँझ ५ः४१ मा उक्त घटनालगत्तै केही विस्फोटका आवाज सुनिएका थिए ।
[#VIDEO] En cadena nacional, se observó el momento en que el Jefe de Estado y la primera Dama, Cilia Flores, reaccionan a la explosión y luego aparecen las imágenes de todos los militares en formación que corren ante el hecho irregular. #4Ago https://t.co/C3rMw9ujsh pic.twitter.com/gxHiCPqWHt
— NTN24 Venezuela (@NTN24ve) August 4, 2018
भेनेजुएलाको एनटीएन२४ टिभी च्यानलले एउटा ट्विट भिडियो पोष्ट गरेको छ जहाँ केही विस्फोटका आवाज सुनिन्छन् त्यसपछि राष्ट्रपति र उनको पत्नी सिलिया फ्लोरेसलाई बुलेटप्रुफ शिल्डले छेकिएको देख्न सकिन्छ ।