- २०८१ बैशाख ४ मंगलबार
काठमाडौँ । दक्षिण अमेरिकी समुह अन्तर्गत भएको विश्वकप छनौट खेलमा अर्जेन्टिना फेरी पनि बराबरीमा रोकिएको छ ।
अर्जेन्टिना बुधबार बिहान भएको खेलमा भेनेजुएलासँग १-१ गोलको बराबरीमा रोकिएको हो । यो बराबरीपछि अर्जेन्टिनाले विश्वकपमा स्थान बनाउन थप संघर्ष गर्नुपर्ने देखिएको छ ।
आजको खेलमा अर्जेन्टिनाको तर्फबाट कुनै गोल भएन । दुवै ग्ल भेनेजुएलाका खेलाडीले गरेका थिए । खेलको ५०औ मिनेटमा भेनेजुएलाका मुरिल्लोले गोल गर्दै सुरुवाती अग्रता
दिलाएपनि खेलको ५४औ मिनेटमा भेनेजुएलाका फ्लेटसरले आत्मघाती गोल गर्दै अर्जेन्टिनालाई बराबरीमा ल्याइदिएका थिए ।
दक्षिण अमेरिकी समुहबाट शिर्ष चार टिम सिधै छनौट हुने छन् भने पाचौ हुने टिम इन्टरकन्टिनेन्टल टिमसँग छनौट खेल खेल्नु पर्ने हुन्छ ।
अर्जेन्टिना छनौट चरणको खेलमा अब दुई खेल मात्र खेल्न बाँकी हुँदा समुहमा १६ खेलमा २४ अंक सहित पाँचौ स्थानमा रहेको छ । आजको खेलमा चिली पराजित भएर अर्जेन्टिनालाई केहि राहत भने भएको छ । अब अर्जेन्टिना अक्टोबर ५ मा पेरुसँग र अक्टोबर १० मा इक्वेडरसँग खेल्ने छ ।
दक्षिण अमेरिकी समुह अन्तर्गत ब्राजिल यस अघि नै विश्व कपका लागि छनौट भइसकेको छ भने समुहको दोस्रो स्थानमा कोलम्बिया, तेस्रो स्थानमा उरुग्वे र चौथो स्थानमा पेरु रहेका छन् ।
