- २०८१ बैशाख ११ मंगलबार
काठमाडौँ । एभरेष्ट प्रिमियर लिग (इपिएल) खेल्ने क्लब काठमाडौँ किंग्स इलेभेनले दोस्रो विदेशी खेलाडी साइन गरेको छ ।
काठमाडौँ किंग्सले युएईका कप्तान रोहन मुस्तफालाई सोमबार साइन गरेको घोषणा गरेको छ । काठमाडौँ किंग्सले यसअघि आयरल्याण्डका खेलाडी केभिन ओ ब्रायनलाई
साइन गरेको थियो ।
काठमाडौ किंग्सले साइन गरेका रोहनले यसअघि धनगढी प्रिमियर लिग पनि खेलेका थिए । मुस्तफा गत डिपिएलको म्यान अफ द सिरिज भएका थिए । उनले धनगढी टिम चौराहाबाट खेल्दै ६ खेलबाट ९ विकेट लिनुका साथै १९८ रनसमेत बनाएका थिए ।
रोहन देब्रे ह्हाते ब्याट्सम्यान हुन् भने उनले प्रभावशाली बलिङ पनि गर्ने गर्दछन । उनी हालै क्यानडामा सम्पन्न ग्लोबल टि-२० मा पनि खेलेका थिए ।
काठमाडौँ किंग्ससँग अनुबन्ध भएपछि फेरी नेपाल आउन पाएकोमा उनले खुशी व्यक्त गरेका छन् ।
