- २०८१ बैशाख ८ शनिबार
काठमाडौं । सरकारले भारतका लागि नेपाली राजदूतमा नीलकण्ठ उप्रेती सिफारिस गरेको छ ।
सोमबार बसेको मन्त्रिपरिषद् बैठकले पूर्व प्रमुख निर्वाचन आयुक्त उप्रेतीलाई भारतका लागि नेपाली राजदूत सिफारिस गरेको हो । दोस्रो संविधानसभा निर्वाचनका बेला उप्रेती प्रमुख निर्वाचन आयुक्त थिए ।
यसअघि भारतका राजदूत रहेका दीपकुमार उपाध्याय राजदूतबाट राजीनामा दिएर गत प्रतिनिधि सभाको निर्वाचन लडेका थिए ।
यस्तै यूएईका पूर्वराजदूत उदयराज पाण्डेलाई मलेसियाका लागि नेपाली राजदूतमा सिफारिस गरिएको छ ।
